27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Զախարովան հայտարարել է, թե ՀԱՊԿ-ի մասնակցությունը ԼՂ հակամարտությանն անհնար էր
Քաղաքականություն
28.07.2026 | 10:57
Հավաքական անվտանգության պայմանագրի կազմակերպության (ՀԱՊԿ)՝ Լեռնային Ղարաբաղի շուրջ հակամարտությանը ներգրավվածությունն անհնար էր, քանի որ նույնիսկ Հայաստանն ինքը չէր ճանաչում այդ տարածքը։ Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։
«Կար պատմություն Հայաստանի հետ, որը, կարծես, ասում էր՝ «Եկեք ակտիվացնենք ՀԱՊԿ մեխանիզմը»։ Բայց իրականում դա ո՞ւմ և ինչի՞ էր վերաբերում։ Այդ տարածքին՝ Լեռնային Ղարաբաղին, որը Հայաստանն ինքը, ցավոք, (բարեբախտաբար՝ դա իմ հարցը չէ, դա իրենց է ուղղված՝ Երևանին) չէր ճանաչում ո՛չ որպես իր սեփական, ո՛չ էլ անկախ տարածք»,- ասել է նա Գվարդեյսկի երիտասարդական ֆորումում ունեցած ելույթում։
Զախարովան հավելել է, թե նման պայմաններում ՀԱՊԿ մեխանիզմը գործարկելն անհնար էր։
Հավելենք, որ Հայաստանը ԼՂ հակամարտության համար ՀԱՊԿ մեխանիզմների ակտիվացման համար չի դիմել, ինչպես ներկայացնում է Զախարովան, այլ ՀՀ ինքնիշխան տարածքի վրա Ադրբեջանի կողմից 2021 թվականի մայիսին ու 2022-ի սեպտեմբերին իրականացված հարձակումների ժամանակ։ Ադրբեջանական հարձակումների հետևանքով օկուպացվել են ՀՀ ինքնիշխան տարածքները։ Հայաստանը երկու դեպքում էլ գործողությունների համար պաշտոնապես դիմել է ՀԱՊԿ-ին։
Թարգմանությունը՝ Էմմա Չոբանյանի
