27.07.2026 | 22:14
Բաքվի դատարանը Toplum TV-ի լրագրողներին դատապարտել է 12-15 տարվա ազատազրկման
Ռումինիան հայտնել է ՌԴ դեսպանատան աշխատակցի արտաքսման մասին
Քաղաքականություն
27.07.2026 | 20:37
Ռումինիայի արտաքին գործերի նախարարությունը հայտարարել է, որ կանչել է Բուխարեստում Ռուսաստանի դեսպանին, այն բանից հետո, երբ ռումինական զինված ուժերը հուլիսի 24-ից 26-ը խոցել են երեք անօդաչու թռչող սարք, որոնք «առանց թույլտվության մտել էին երկրի տարածք», գրում է Meduza-ն։
Դեսպանին ցուցադրվել են Ռումինիայի երկնքում ոչնչացված անօդաչու թռչող սարքի բեկորները։ Ըստ նախարարության՝ դա ռուսական անօդաչու է եղել։
«Հանդիպման ընթացքում ռումինական կողմն իր վճռական բողոքն է հայտնել այս անօրինական և անպատասխանատու գործողությունների դեմ։ Ընդգծվել է, որ Ռուսաստանի կողմից Ռումինիայի օդային տարածքը, որը նաև ՆԱՏՕ-ի ու ԵՄ-ի օդային տարածք է, շարունակաբար խախտելը բացարձակապես անընդունելի և անհանդուրժելի է»,- հայտարարել է Ռումինիայի ԱԳՆ-ն։
Ռուսաստանի դեսպանին տեղեկացվել է Բուխարեստում Ռուսաստանի դեսպանատան աշխատակիցներից մեկին պերսոնա նոն գրատա (անցանկալի) հայտարարելու որոշման մասին։ Նա պետք է լքի Ռումինիան հինգ օրվա ընթացքում։
Թարգմանությունը՝ Էմմա Չոբանյանի
