27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Նեթանյահուն հայտարարել է, որ Վաշինգտոնում իր օրակարգի գլխավոր առաջնահերթությունն Իրանն է
Քաղաքականություն
27.07.2026 | 21:13
Իսրայելի վարչապետ Բենիամին Նեթանյահուն Վաշինգտոն մեկնելիս հայտարարել է, որ Իրանը կլինի ԱՄՆ նախագահ Դոնալդ Թրամփի հետ հանդիպման «օրակարգի» առանցքային հարցը։ Նեթանյահուն վաղվա քննարկումները որակել է որպես «մեծ արտոնություն» և «մեծ պատասխանատվություն»։
«Ես գիտեմ, որ այս բարդ ժամանակներում պետք է գործել և՛ մեծ վճռականությամբ, և՛ մեծ իմաստությամբ։ Մենք կքննարկենք օրակարգի բոլոր հարցերը, որոնցից առաջնայինն Իրանն է։ Իհարկե, մեր նպատակն է պաշտպանել մեր անվտանգությունը՝ միաժամանակ ընդլայնելով մեր շուրջը խաղաղության շրջանակը»։
ԱՄՆ նախագահի երկրորդ ժամկետի սկզբից ի վեր Նեթանյահուի և Թրամփի յոթերորդ հանդիպումը Վաշինգտոնում տեղի է ունենում Իրանի վրա ԱՄՆ-ի մահացու հարվածներից և դաշնակից արաբական և Պարսից ծոցի երկրների վրա Իրանի կողմից պատասխան հարձակումներից հետո։ Նեթանյահուն Թեհրանի վրա նոր հարձակումների կողմնակից է։
ԱՄՆ այցի ընթացքում Իսրայելի վարչապետը կմասնակցի նաև հանգուցյալ սենատոր Լինդսի Գրեհեմի հուղարկավորությանը, որին Նեթանյահուն անվանել է «[Իսրայելի] մեծագույն ընկերներից մեկը»։
Թարգմանությունը՝ Էմմա Չոբանյանի
