27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Պետբյուջեն առաջին կիսամյակում կատարվել է 67.3 մլրդ դրամ հավելուրդով՝ ծրագրված պակասուրդի փոխարեն
Տնտեսություն
24.07.2026 | 12:00
2026 թվականի առաջին կիսամյակում պետական բյուջեի եկամուտները կազմել են 1 տրլն 643 մլրդ դրամ, ծախսերը՝ 1 տրլն 576 մլրդ դրամ։ Արդյունքում բյուջեն կատարվել է 67.3 մլրդ դրամ հավելուրդով՝ նախատեսված 342.4 մլրդ դրամ պակասուրդի փոխարեն։
ՀՀ ֆինանսների նախարարության տարածած հաղորդագրությունը՝ ստորև․
Հայաստանի Հանրապետության պետական բյուջեի եկամուտները 2026 թվականի առաջին կիսամյակում կազմել են 1,643 մլրդ դրամ՝ ապահովելով առաջին կիսամյակի ճշտված ծրագրով կանխատեսված ցուցանիշի 106.0% կատարողական:
Նախորդ տարվա նույն ժամանակահատվածի համեմատ պետական բյուջեի եկամուտներն աճել են 14.7%-ով կամ 210.1 մլրդ դրամով:
2026 թվականի առաջին կիսամյակում ՀՀ պետական բյուջեի ծախսերը կազմել են 1,576 մլրդ դրամ՝ ապահովելով առաջին կիսամյակի ճշտված ծրագրի 83.2% կատարողական: Նախորդ տարվա նույն ժամանակահատվածի համեմատ պետական բյուջեի ծախսերն աճել են 7%-ով կամ 103.6 մլրդ դրամով:
2026 թվականի առաջին կիսամյակի ընթացքում ՀՀ պետական բյուջեն կատարվել է 67.3 մլրդ դրամ հավելուրդով՝ առաջին կիսամյակի համար ծրագրված 342.4 մլրդ դրամ պակասուրդի և նախորդ տարվա նույն ժամանակահատվածի 39.2 մլրդ դրամ պակասուրդի դիմաց:
Ամբողջական տեղեկատվությանը կարող եք ծանոթանալ ՀՀ ֆինանսների նախարարության պաշտոնական կայքում։
