24.07.2026 | 14:40
Պենտագոնը ՌԴ 33 համալսարան և հետազոտական ինստիտուտ ԱՄՆ-ի ազգային անվտանգությանը սպառնալիք է ճանաչել
Թրամփը հայտարարել է, որ իրանական սառեցված միջոցներից կվճարվի նավագնացությանը հասցված վնասը
Քաղաքականություն
24.07.2026 | 11:40
ԱՄՆ նախագահ Դոնալդ Թրամփը հայտարարել է, որ Հորմուզի նեղուցի շուրջ վեճի ընթացքում նավերին կամ բեռներին հասցված ցանկացած վնասի ֆինանսական ծախսերի համար պատասխանատվություն կկրի Իրանը։
«Թող այս հայտարարությունը ծառայի որպես հավաստիացում՝ մինչև հետագա ծանուցում, որ այս պահից սկսած նավերին, բեռներին կամ դրանց հետ կապված ցանկացած վնաս կվճարվի իրանական միջոցներից, որոնք գտնվում են Միացյալ Նահանգների տիրապետության տակ և վերահսկվում են մեր կողմից։ Այս վնասները կարող են շատ զգալի լինել, բայց, այնուամենայնիվ, սա արդար և հավասար քայլ է»,- գրել է նա Truth Social-ում։
Թրամփի հայտարարությունը հնչում է այն բանից հետո, երբ Իրանի կողմից աջակցվող հութիները հայտարարել էին, որ Կարմիր ծովում հարձակվել են Սաուդյան Արաբիայի երկու նավթատար լցանավերի վրա։
Ի պատասխան՝ Իրանը զգուշացրել է, որ Թրամփի սպառնալիքը՝ օգտագործել իրանական ակտիվները, վտանգավոր նախադեպ կստեղծի։
«Մեկ այլ երկրի ակտիվների բռնագրավումը՝ ապագա պահանջները վճարելու համար, սադրիչ նախադեպ է»,- X-ում գրել է Իրանի արտաքին գործերի նախարար Աբբաս Արաղչին։
Թարգմանությունը՝ Էմմա Չոբանյանի
