05.11.2026 | 18:36
Ժաննա Անդրեասյանի ճեպազրույցը. ՈւՂԻՂ
Պուտինը հայտարարել է, որ ՌԴ տնտեսությունը «կայուն» է՝ չնայած նավթավերամշակման գործարաններին և Wildberries-ի պահեստներին հարվածներին
Քաղաքականություն
22.07.2026 | 18:17
Հայրենական տնտեսության վիճակը, դրա առանցքային ոլորտների վիճակը կայուն է՝ չնայած վառելիքի և էներգետիկայի ոլորտն ու որոշ այլ ոլորտներ ապակայունացնելու արտաքին փորձերին։ Տնտեսական հարցերով խորհրդակցության ժամանակ այս մասին հայտարարել է Ռուսաստանի նախագահ Վլադիմիր Պուտինը, գրում է BBC-ի ռուսական ծառայությունը։
Չորեքշաբթի ուկրաինական անօդաչու թռչող սարքերը կրկին հարձակվել են Կրասնոդարում և Նևինոմիսկում գտնվող Wildberries-ի լոգիստիկ կենտրոնների վրա, հրդեհներ են բռնկվել։ Անցյալ շաբաթ էլ Մոսկվայի և Տամբովի մարզերում գտնվող Wildberries պահեստներն էին հարձակման ենթարկվել, ինչի հետևանքով զոհվել է 7 մարդ։
Մեկնաբանելով Wildberries-ին ուղղված հարվածները՝ Ուկրաինայի նախագահ Վլադիմիր Զելենսկին նշել է, որ թիրախները «լոգիստիկ կենտրոններն են, որոնք զբաղվում են ռուսական բանակին անօդաչու թռչող սարքերի բաղադրիչների, նավիգացիոն սարքավորումներով մատակարարմամբ»։
Գարնանը և ամռանը Ուկրաինան ակտիվացրել է Ռուսաստանի նավթավերամշակման գործարաններին ուղղված հեռահար հարվածները, ինչը հանգեցրել է վառելիքի լուրջ ճգնաժամի և երկրի տարբեր բենզալցակայաններում երկար հերթերի։
«Ես կցանկանայի ևս մեկ անգամ ընդգծել, որ վառելիքի շուկայում մեր ունեցած դժվարությունները, անշուշտ, ժամանակավոր բնույթ են կրում և չեն ազդի ընդհանուր տնտեսական դինամիկայի վրա։ Ռուսաստանի ՀՆԱ-ն մայիսին աճել է համեստ տեմպերով, բայց աճում է։ Այն գտնվում է դրական գոտում՝ 0,3% և, ընդհանուր առմամբ, այս տարվա առաջին հինգ ամիսների ընթացքում աճը կազմել է 0,2%»,- հանդիպման ժամանակ ասել է Պուտինը։
Թարգմանությունը՝ Էմմա Չոբանյանի
