20.07.2026 | 11:33
ՊԵԿ-ը Ծառուկյանի «Օնիրա Քլաբ»-ում բացահայտել է 300 մլն դրամի չհայտարարագրված հասույթ․ գործը փոխանցվել է ՔԿ-ին․ ՏԵՍԱՆՅՈՒԹ
Մուրացանի փողոցում 30 կրակոց է հնչել․ ձերբակալված կա․ ՔԿ
Հասարակություն
19.07.2026 | 11:14
Երևանի Մուրացանի փողոցում հնչած 30 կրակոցների դեպքով կա մեկ ձերբակալված, Factor TV-ի եթերում հայտնեցին Քննչական կոմիտեից։
Դեռ երեկ ՆԳՆ ոստիկանությունը հայտարարություն է տարածել ու հայտնել, որ հուլիսի 18-ին Երևանի Մուրացանի փողոցում կրակոցներ են հնչել, ինչի հետևանքով մեկ մարդ է մահացել, հիվանդանոց է տեղափոխվել 15 տարեկան մի դեռահաս։
«Սպանության, սպանության փորձի, հրազենի ապօրինի շրջանառության դեպքի առթիվ նախաձեռնված քրեական վարույթի շրջանակում 1 անձ ձերբակալվել է»,- հայտնեցին ՔԿ-ից։
Հիշեցնենք` իրավապահները դեպքի վայրում հայտնաբերել էին ինքնաձիգից կրակված պարկուճներ, Mercedes G և մի քանի այլ մեքենաներ, որոնց վրա կրակոցների հետքեր կային։
Սակրավորների խումբ է աշխատել դեպքի վայրում, քանի որ իրավապահները նաև նռնակ են հայտնաբերել։
Եվգենյա Համբարձումյան
