15.07.2026 | 15:00
Բրիտանական թագավորական ընտանիքի անդամը նշանադրվել է հայ նկարչուհու հետ․ նրանք նախագիծ են իրականացրել ՀՀ-ում
Ուկրաինական ԱԹՍ-ների հարձակումից հետո Կերչը մնացել է առանց էլեկտրաէներգիայի
Քաղաքականություն
15.07.2026 | 13:07
Ռուսաստանի կողմից բռնակցված Ղրիմի արևելյան մասում գտնվող Կերչ քաղաքը հուլիսի լույս 15-ի գիշերն ուկրաինական ԱԹՍ-ների հարձակման հետևանքով ամբողջությամբ հոսանքազրկվել է։ Այս մասին հայտնել է քաղաքի Ռուսաստանի կողմից նշանակված քաղաքապետ Իվան Կոշելը, գրում է Meduza-ն։
Նրա խոսքով՝ քաղաքի «կենսապահովման համակարգերը» գործում են պահեստային էլեկտրաէներգիայի աղբյուրների հաշվին։
Անօդաչու թռչող սարքերի հարձակումից հետո թերակղզու հյուսիսարևմտյան և արևելյան շրջանների որոշ բնակավայրեր մնացել են առանց էլեկտրաէներգիայի, հաղորդում է «Կրիմէներգո»-ի մամուլի ծառայությունը։
Ղրիմում ջրամատակարարումը նույնպես սահմանափակվել է ցանցում տեղի ունեցած խափանման պատճառով, հաղորդում է տեղական օպերատորը։ Վերանորոգման աշխատանքներն ընթացքի մեջ են։
Վերջին շաբաթներին Ուկրաինան անօդաչու թռչող սարքերով հարվածներ է հասցնում բռնակցված Ղրիմի և Ուկրաինայի օկուպացված Խերսոնի ու Զապորոժիեի մարզերի էներգետիկ ենթակառուցվածքներին։ Հուլիսի 14-ին՝ ուկրաինական անօդաչու թռչող սարքերի հարձակումներից հետո, Սևաստոպոլում էլեկտրաէներգիայի անջատումներ են մտցվել։
Թարգմանությունը՝ Էմմա Չոբանյանի
