07.09.2026 | 12:39
ՌԴ-ն հարվածել է Զապորոժիեի մարզի առևտրի կենտրոնին․ Սլավյանսկում վիրավորվել է չորս մարդ
Կարլուշ Կեյրուշն աշխարհի առաջնությունում հաղթանակ տարած ամենատարեց մարզիչն է
18.06.2026 | 13:26
Գանայի հավաքականը գլխավորող Կարլուշ Կեյրուշը դարձել է ֆուտբոլի աշխարհի առաջնությունում հաղթանակ տարած ամենատարեց մարզիչը պատմության մեջ, հաղորդում է Globo-ն։
ԱՄՆ-ում, Կանադայում և Մեքսիկայում ընթացող ԱԱ-2026-ի առաջին տուրում գանացիները նվազագույն հաշվով հաղթել էին Պանամայի հավաքականին՝ հաղթանակ կորզելով վերջին վայրկյաններին։ Այդ խաղի օրը Կարլուշ Կեյրուշը 73 տարեկան 108 օրական էր։
Պորտուգալացի մասնագետը գերազանցել է գերմանացի Օտո Ռեհագելի ռեկորդը, որը ԱԱ-2010-ում Հունաստանի հավաքականի հետ հաղթանակի էր հասել 72 տարեկան 317 օրականում։
Հիշեցնենք, որ աշխարհի առաջնությունում աշխատած ամենատարեց մարզիչը 78-ամյա նիդերլանդցի Դիկ Ադվոկատն է, որի գլխավորությամբ Կյուրասայի հավաքականը մասնակցում է ԱԱ-2026-ին ու առաջին տուրում պարտվել էր գերմանացիներին։
