28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Դրամը դոլարի նկատմամբ ավելի շատ է արժևորվել, քան եվրոյի ու ռուբլու․ ԿԲ փոխնախագահ․ ՏԵՍԱՆՅՈՒԹ
Տնտեսություն
15.06.2026 | 12:34
ԱԺ-ում ֆինանսավարկային և բյուջետային հարցերի մշտական հանձնաժողովի արտահերթ նիստի ժամանակ ՔՊ-ական պատգամավոր Արուսյակ Մանավազյանը հետաքրքրվեց վերջին ամիսներին դոլարի փոխարժեքի նվազման պատճառներով՝ հարց ուղղելով Կենտրոնական բանկի փոխնախագահ Արմեն Նուրբեկյանին։
Պատգամավորը հարցրեց, թե արդյոք Հայաստանի արտարժույթի կանխիկ շուկայի շարժը և դրսից եկող դրամական մուտքերը ազդեցություն ունեցել են դոլարի փոխարժեքի վրա։
Ի պատասխան՝ Արմեն Նուրբեկյանը նշեց, որ դրամի արժևորումը դոլարի նկատմամբ ավելի արտահայտված է եղել, քան եվրոյի և ռուբլու նկատմամբ, քանի որ ԱՄՆ դոլարն ինքն է վերջին ամիսներին արժեզրկվել համաշխարհային մի շարք արժույթների նկատմամբ։
ԿԲ փոխնախագահի խոսքով՝ Հայաստանի կանխիկ արտարժույթի շուկան բավական մեծ է, և դրա վրա ազդում են նաև զբոսաշրջային հոսքերը։ Նա ընդգծեց, որ հատկապես Ռուսաստանից ժամանող զբոսաշրջիկների դեպքում կանխիկի շրջանառությունը զգալի է, մինչդեռ եվրոպական երկրներից ժամանողները հիմնականում վճարումներ կատարում են քարտերով։
Մանրամասները՝ տեսանյութում։
