16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
Բերնարդու Սիլվան կտեղափոխվի «Ռեալ». աղբյուր
12.06.2026 | 10:50
Պորտուգալիայի հավաքականի կիսապաշտպան Բերնարդու Սիլվան կտեղափոխվի Մադրիդի «Ռեալ»։ Այդ մասին սոցցանցերում հայտնել է հանրահայտ ինսայդեր Ֆաբրիցիո Ռոմանոն։
31-ամյա ֆուտբոլիստն «Արքայական ակումբի» հետ կկնքի երկու տարվա պայմանագիր, որը կունենա ևս մեկ մրցաշրջանով երկարաձգելու հնարավորություն։
Բերնարդու Սիլվային իր թիմում ցանկացել է տեսնել «Ռեալի» գլխավոր մարզիչի պաշտոնին վերադարձած Ժոզե Մոուրինյուն։
Ավարտված մրցաշրջանի վերջում Սիլվան ազատ գործակալի կարգավիճակում հեռացել էր անգլիական «Մանչեսթեր Սիթիից», որի կազմում խաղում էր 2017 թվականից։ Մանչեսթերյան ակումբում կիսապաշտպանն անցկացրել է 451 հանդիպում, դարձել 76 գոլի, 77 ասիստի հեղինակ ու նվաճել 18 տիտղոս։ Transfermarkt-ը պորտուգալացու տրանսֆերային արժեքը գնահատում է 22 միլիոն եվրո։
