03.06.2026 | 16:33
Թուրքիայի տրանսպորտի նախարարը, այսպես կոչված, «Զանգեզուրի միջանցքի» աշխատանքներին է անդրադարձել
Ռոբոտ-շունը քողարկված հարձակման համար է, ավտոմատ է խոցում․ ՏԵՍԱՆՅՈՒԹ
Տնտեսություն
03.06.2026 | 15:19
Կարեն Դեմիրճյանի անվան մարզահամերգային համալիրում անցկացվում է RISE Powered by Silicon Mountains 2026 ցուցահանդեսը, որին ներկայացված է նաև չինական արտադրության ռոբոտ-շուն։
«Ռոբոտ-շունը նախատեսված է քողարկված հարձակում իրականացնելու համար։ Ռոբոտ-շունը իր վրա կրում է յոթ դյույմանոց FPV կամիկաձե տիպի դրոն, որպեսզի կրակողի և թռիչք իրականացնողի տեղը չբացահայտվի։ Այն տեղափոխվում է մինչև 5 կիլոմետր առաջ՝ առաջնագծից, ապա թաքնվում է խոտերի կամ ծածկույթի մեջ, իսկ դրոնը արդեն այդ կետից իրականացնում է թռիչք և խոցում թիրախը»,- Factor TV-ի հետ զրույցում նշեց մասնագետը։
Նրա խոսքով՝ համակարգը ունի նաև ավտոմատ խոցման հնարավորություն, որը նվազեցնում է մարդկային գործոնի ազդեցությունը։ Մասնագետը նաև հայտնեց, որ տեխնիկան անցել է պետական փորձարկումներ։
Հարցին՝ արդյոք այս տեխնոլոգիան կարող է կիրառվել հայկական զինված ուժերում, մասնագետը նշել է, որ դա կախված է ռազմական կառույցների գնահատումից։
«Դա արդեն կախված է՝ ռազմական ներկայացուցիչները կհամաձայնեն, թե ոչ։ Ես դիտարկում եմ հնարավորությունը, բայց պետք է տեսնեն՝ մարտավարական առումով ձեռնտու է, թե ոչ»,- ասաց նա։
Մանրամասները՝ տեսանյութում։
