28.05.2026 | 17:01
Հանրապետությունում օդի ջերմաստիճանը կնվազի 8-10 աստիճանով
Որտե՞ղ է Արթուր Օսիպյանը կռվել, որ մի հատ էլ եկել Ղարաբաղի հարցն առաջ է տանում․ Փաշինյան․ ՏԵՍԱՆՅՈՒԹ
28.05.2026 | 15:27
Ինձ համար Սամվել Շահրամանյանն ու Արթուր Օսիպյանը նույն կատեգորիայի մարդիկ են։ Այս մասին Factor TV-ին հարցին ի պատասխան հայտնել է վարչապետ Նիկոլ Փաշինյանը։
Լրագրողը հետարքրքվել էր՝ ի՞նչն էր նրան հունից հանել․ «Նրան ճանաչողները պնդում են, որ նա որևէ կապ չի ունեցել իշխանության հետ, էլիտայի հետ որևէ կապ չունի, և Դուք նրան «փախած» անվանեցիք։ Հիմա նա, երևի տեղյակ եք, որ հացադուլի մեջ է և ասել է, որ հացադուլը կդադարեցնի այն դեպքում, երբ որ Դուք ներողություն խնդրեք իրենից՝ իրեն «փախած» անվանելու համար։ Ուզում եմ հարցնել՝ արդյո՞ք պատրաստվում եք ներողություն խնդրել Արթուր Օսիպյանից, և եթե ոչ, ապա չե՞ք կարծում, որ նրա հետ եթե ինչ-որ մի բան պատահի, Դուք մեղքի զգացում կունենաք այդ ժամանակ, թե՞ ոչ»։
«Որտե՞ղ է Արթուր Օսիպյանը կռվել, որ մի հատ էլ եկել Ղարաբաղի հարցն առաջ է տանում։ Որտե՞ղ է կռվել, որտե՞ղ է եղել ինքն ընդհանրապես պատերազմի ժամանակ։ Նա պիտի ներողություն խնդրի և իր նման պսևդոէլիտայի ներկայացուցիչները։ Գիտեք՝ մենք չգիտե՞նք իր և Ղարաբաղի իշխանության կապերի մասին։ Այսինքն՝ Ձեզ թվում է, որ մենք այդպիսի բաներում միամի՞տ ենք։
Ինքը և պսևդոէլիտայի մյուս ներկայացուցիչները պետք է ներողություն խնդրեն մեր նահատակների ընտանիքներից, որ ուզում են շարունակել այդ պրոցեսը և Հայաստանը վերադարձնել կոնֆլիկտի խորխորատի մեջ։ Որտե՞ղ է կռվել ինքը, որտե՞ղ է եղել ինքը և իր նմանները։ Այո՛, ինքը և իր նմանները․ էլի եմ ասում՝ խոսքս վերաբերում է Ղարաբաղի պսևդոէլիտային։ Նրանք փախածներն են, որոնք պատանդ են պահել մի հատ Ղարաբաղում Ղարաբաղի ժողովրդին, հիմա էլ Հայաստանում են պատանդ պահում Ղարաբաղի ժողովրդին։ Իրենք էլ չեն դիմում Հայաստանի քաղաքացիություն ստանալու համար և ուրիշներին էլ հորդորում են, որ չդիմեն Հայաստանի քաղաքացիություն ստանալու համար»,-ասաց նա։
Մանրամասները՝ տեսանյութում։
