24.05.2026 | 20:00
Որտեղ քշել հեծանիվ ու մոպեդ․ երթևեկելի գոտու չերևացող ՇԵՐՏԵՐԸ․ ՏԵՍԱՆՅՈՒԹ
Եկեղեցու սպասավորները իշխանությունների կողմից ենթարկվում են հետապնդումների ու ազատազրկման․ Գարեգին Բ․ ՏԵՍԱՆՅՈւԹ
24.05.2026 | 15:05
Սիրելի բարեպաշտ ժողովուրդ, պատմության ընթացքին մեր երկրի դեմ ասպատակությունների հորձանուտներում, ինչպես և Ցեղասպանության և ստալինյան բռնապետության տարիներին, մեր եկեղեցականները ենթարկվել են բռնաճնշումների ու հալածանքների, կրել բազում նեղություններ, սակայն հաստատուն են մնացել առ Քրիստոս հավատարմության ու սիրո մեջ և ապավինած Աստծուն՝ դիմակայել բոլոր դժվարություններին: Այս մասին Մայր Աթոռում եպիսկոպոսական ձեռնադրության եւ օծման ժամանակ հայտարարել է Գարեգին Բ կաթողիկոսը։
«Ցավով ենք անդրադառնում, որ հայոց եկեղեցու սպասավորները այսօր ևս Հայաստանում իշխանությունների կողմից անհիմն մեղադրանքներով ենթարկվում են հետապնդումների, ինչպես նաև ազատազրկման։ Գոհություն Աստծո, մեր հոգևորականները ի Հայաստան և ի սփյուռս աննկուն են ոգով, անխախտ են առ Սուրբ Էջմիածինը հավատարմության մեջ և անդավաճան իրենց ուխտին ու կոչմանը։
Նախանձախնդրությամբ շարունակում են տերունապատվեր առաքելությունը՝ իրականություն դարձնելու տեսիլքները հոգևոր կյանքի պայծառության, պետականության ամրապնդման, հայրենիքի շինության, հզորության ու առաջընթացի համար»,-նշել է նա։
Մանրամասները՝ տեսանյութում։
Եվգենյա Համբարձումյան
