18.05.2026 | 19:47
392 հազար դրամ եկամուտ․ ինչ է հայտարարագրել Լևոն Շիրինյանը
ՔՊ-ին սատարող անձի լուսանկարով անպարկեշտ տեսանյութ հրապարակելու դեպքով քրեական հետապնդում է հարուցվել
Հասարակություն
18.05.2026 | 12:26
ՀՀ քննչական կոմիտեն հայտնում է, որ Լոռու մարզում քրեական վարույթ է նախաձեռնվել ֆեյսբուքյան էջում 61-ամյա անձի լուսանկարով անպարկեշտ տեսանյութ հրապարակելու դեպքով։ Ըստ ՔԿ-ի՝ հրապարակումը կատարվել է նրա քաղաքական հայացքներով՝ «Քաղաքացիական պայմանագիր» կուսակցությանը սատարելու հանգամանքով պայմանավորված, իսկ Ա.Օ.-ի նկատմամբ որպես խափանման միջոց կիրառվել է տնային կալանք։
«ՀՀ քննչական կոմիտեի Լոռու մարզային քննչական վարչությունում նախաձեռնված քրեական վարույթի նախաքննության ընթացքում պարզվել է, որ 2026 թվականի մայիսի 9-ին Ա.Օ.-ն ֆեյսբուքյան իր էջում խուլիգանություն կատարելու ուղղակի դիտավորությամբ, տեղեկատվական տեխնոլոգիաներն օգտագործելով՝ 61-ամյա Հ.Մ.-ի քաղաքական հայացքներով պայմանավորված՝ «Քաղաքացիական պայմանագիր» կուսակցությանը սատարելու դրդապատճառով, վերջինիս լուսանկարը տեղադրելով, անպարկեշտ արտահայտություններ պարունակող տեսանյութ է հրապարակել՝ այդ կերպ բարոյական նորմերի նկատմամբ բացահայտ արհամարհական վերաբերմունք ցուցաբերելով:
Ա.Օ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 2-րդ մասի 3-րդ կետով (խուլիգանությունը, որը կատարվել է տեղեկատվական կամ հաղորդակցական տեխնոլոգիաներն օգտագործելով):
Վերջինիս նկատմամբ որպես խափանման միջոց կիրառվել է տնային կալանքը:
Քրեական վարույթի նախաքննությունը շարունակվում է»,- ասված է հաղորդագրությունում։
