16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Մբապեն արձագանքել է «Ռեալի» երկրպագուների սուլոցներին
15.05.2026 | 13:26
Մադրիդի «Ռեալի» երկրպագուները «Ռեալ Օվիեդոյի» դեմ Իսպանիայի առաջնության 36-րդ տուրի տնային հանդիպումից առաջ սուլել են թիմի ֆուտբոլիստներին ու գլխավոր մարզիչին մեկնարկային կազմերը հայտարարելու ժամանակ։ Երկրպագուները սուլել են նաև ֆրանսիացի հարձակվող Կիլիան Մբապեին, որը փոխարինման է մտել 69-րդ րոպեին։ Ֆրանսիայի հավաքականի ավագը խաղից հետո արձագանքել է սուլոցներին։
«Երկրպագուների սուլոցները նորմալ է։ Դուք պետք է ընդունեք դա, եթե չեք հաղթում։ Դա տեղի է ունենում ինչպես «Ռեալում», այնպես էլ աշխարհի բոլոր ակումբներում»,- Մբապեի խոսքը մեջբերում է լրագրող Ֆաբրիցիո Ռոմանոն։
«Ռեալ Օվիեդոյի» դեմ խաղում Կիլիան Մբապեն խաղադաշտ է վերադարձել վնասվածքից ապաքինվելուց հետո ու գոլային փոխանցում կատարել անգլիացի կիսապաշտպան Ջուդ Բելինգեմին։ «Ռեալը» հաղթել է 2։0 հաշվով։
