25.10.2026 | 09:46
Ստեղծվել է իրավիճակային վերլուծությունների կենտրոն. ԿԸՀ
Անհետ կորածի հայրը 3 օր է` նստացույց է անում Կառավարության շենքի մոտ. 27-ին վարչապետն է ընդունել․ ՏԵՍԱՆՅՈՒԹ
Հասարակություն
14.05.2026 | 13:41
Անհետ կորած Կարեն Գևորգյանի հայրը՝ Ազատ Գևրոգյանն արդեն երրորդ օրն է՝ նստացույց է անում Կառավարության շենքի դիմաց՝ պահանջելով գտնել որդուն։ Նա պնդում է, որ պատերազմի ավարտից հետո անցած տարիների ընթացքում իր որդու անհետացման առնչությամբ որևէ լիարժեք քննություն չի իրականացվել, իսկ պետական մարմինների պատասխանները ձևական են եղել։
Ազատ Գևորգյանի խոսքով՝ դեռ ապրիլի 27-ին ինքը և այլ անհետ կորած զինծառայողների ծնողներ հանդիպել են վարչապետ Նիկոլ Փաշինյանի հետ։ Նա պատմեց, որ վարչապետին անձամբ ասել է՝ եթե 10 օր անց որևէ հստակ պատասխան չստանա, գալու է Կառավարության շենքի դիմաց նստացույցի։
Նրա խոսքով՝ մինչ օրս իրենց հարցերին ամբողջական պատասխան չի տրվել։ Նա ասաց, որ 3 օր շարունակ նստացույց անելուց հետո միայն այսօր են իրեն մոտեցել պաշտոնյաներ։
Նշեց, որ հանդիպել է վարչապետի աշխատակազմի ներկայացուցիչների հետ, սակայն դեռևս որևէ հստակ պատասխան չի ստացել։ Խոսելով միջազգային արձագանքի մասին՝ Գևորգյանն ասաց, որ Ֆրանսիայի նախագահ Էմանուել Մակրոնին հանձնած նամակի վերաբերյալ առայժմ որևէ արձագանք չեն ստացել։
Մանրամասները՝ տեսանյութում։
