06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Պուտինին զեկուցել են «Սարմատ» հրթիռային համակարգի հաջող փորձարկման մասին
Քաղաքականություն
12.05.2026 | 23:05
Ռուս զինվորականները հաջողությամբ փորձարկել են «Սարմատ» հրթիռային համակարգը։ Այս մասին Ռուսաստանի նախագահ Վլադիմիր Պուտինին զեկուցել է Ռազմավարական նշանակության հրթիռային ուժերի (ՌՀՈՒ) հրամանատար Սերգեյ Կարակաևը։
«Սա աշխարհի ամենահզոր հրթիռային համալիրն է, որը հզորությամբ հավասար է մեր զինանոցում առկա խորհրդային դարաշրջանի «Վոևոդա» հրթիռային համակարգին»,- ասել է Պուտինը «Սարմատ» միջմայրցամաքային բալիստիկ հրթիռի հաջող փորձարկման վերաբերյալ Սերգեյ Կարակաևի զեկույցի ժամանակ, գրում է BBC-ին ռուսական ծառայությունը։
Նա հավելել է, որ մատակարարվող մարտագլխիկի ընդհանուր հզորությունը չորս անգամ գերազանցում է ցանկացած առկա, ամենահզոր արևմտյան անալոգի հզորությանը։
«Սարմատ» միջմայրցամաքային բալիստիկ հրթիռով զինված առաջին գունդը Կրասնոյարսկի երկրամասի Ուժուրի զորամասում կտեղակայվի մինչև 2026 թվականի վերջը, հայտարարել է Սերգեյ Կարակաևը։
««Սարմատ» հրթիռային համակարգերի արձակման կայանքների տեղակայումը զգալիորեն կբարձրացնի ցամաքային ռազմավարական միջուկային ուժերի մարտական հնարավորությունները՝ թիրախները հուսալիորեն ոչնչացնելու և ռազմավարական զսպման առաքելություններ կատարելու համար», – ասել է նա։
Պուտինը դեռևս 2023 թվականին հայտարարել էր, որ «Սարմատը» կտեղակայվի «մոտ ապագայում»։ Սակայն 2024 թվականին մի շարք անհաջող փորձարկումների պատճառով դա դեռևս տեղի չի ունեցել։
Թարգմանությունը՝ Էմմա Չոբանյանի
