18.12.2025 | 23:24
ՀՀ տարածքում ավտոճանապարհները հիմնականում անցանելի են
«Եթե ԱՄՆ-ն Patriot-ների առաջարկ մեզ անի, մենք դա կգնահատենք». Թուրքիայի նախագահի խոսնակ
Քաղաքականություն
22.11.2018 | 22:37
Թուրքիան զենիթահրթիռային ՀՕՊ համակարգեր կարող է գնել ոչ միայն Ռուսաստանից, այլև ուրիշ երկրներից։ Այդ մասին հայտարարել Թուրքիայի նախագահի խոսնակ Իբրահիմ Քալընը, «Թուրքիա-Ռուսաստան հարաբերություններ. ձևավորել ապագան» խորագրով գիտաժողովի ժամանակ. փոխանցում է ermenihaber-ը:
Քալընը, ընդգծելով, որ Թուրքիան ՀՕՊ համակարգերի անհրաժեշտություն ունի, ասել է.
«Այդ կարիքները հնարավոր չէ բավարարել միայն մեկ աղբյուրից։ Ի սկզբանե մենք կողմնակից ենք եղել ՀՕՊ համակարգերի դիվերսիֆիկացմանը և եթե ԱՄՆ-ն «Patriot»-ների վաճառքի, համատեղ արտադրության և տեխնոլոգիաների փոխանցման վերաբերյալ մեզ առաջարկ անի, մենք դա կգնահատենք»։
Անդրադառնալով Ռուսաստանից գնված, բայց դեռևս Թուրքիային չմատակարարված S-400-ների հարցին՝ Էրդողանի խոսնակն ասել է, որ դրանց առաջին խմբաքանակը կմատակարարվի գալիք տարեվերջին, իսկ այնուհետև Մոսկվան և Անկարան կզբաղվեն այդ համակերգերի համատեղ արտադրությամբ։
