14.07.2026 | 11:23
Հայաստան-Ֆրանսիա հարաբերությունները նոր մակարդակի վրա են․ Փաշինյանի ուղերձը Մակրոնին
Անչափահասին թմրանյութ վաճառողը մինչև 15 տարվա ազատազրկման կենթարկվի. նախագիծ․ ՏԵՍԱՆՅՈՒԹ
Հասարակություն
11.05.2026 | 11:11
Ազգային ժողովի պետական-իրավական հարցերի մշտական հանձնաժողովն իր արտահերթ նիստում հավանություն տվեց «Հայաստանի Հանրապետության քրեական օրենսգրքում փոփոխություններ և լրացումներ կատարելու մասին» օրենքի նախագծին, որը նպատակ ունի խստացնել պատիժները թմրամիջոցների ապօրինի շրջանառության, մասնավորապես՝ դրանց իրացման համար։
Նախագծի հիմնական զեկուցող, «Քաղաքացիական պայմանագիր» խմբակցության պատգամավոր Հայկ Սարգսյանը ներկայացրեց առաջարկվող խստացումները՝ նշելով, որ նպատակը հատկապես թմրամիջոցների իրացման դեմ պայքարի արդյունավետության բարձրացումն է։
«Խոշոր չափերով կամ տեղեկատվական տեխնոլոգիաների միջոցով իրացնելու դեպքում սահմանել 5-ից 10 տարվա պատիժ։ Երկրորդ՝ առանձնապես խոշոր չափերով կամ անչափահասի նկատմամբ կամ անչափահասի ներգրավմամբ թմրամիջոց իրացնելու դեպքում սահմանել 8-ից 15 տարվա պատիժ։ Եթե գործող օրենքով «Տելեգրամ» ալիքով թմրամիջոց իրացնելու համար սահմանվում է 3-ից 6 տարվա պատիժ, ապա այս նախագծով խստացվում է՝ դառնալով 5-ից 10 տարվա պատիժ։ Եթե գործող օրենքով անչափահասին թմրամիջոց վաճառելու համար սահմանվում է 3-ից 6 տարվա պատիժ, ապա այս նախագծով խստացվում է՝ դառնալով 8-ից 15 տարվա պատիժ»,- ասաց Սարգսյանը։
Օրենքի նախագիծն արժանացավ հանձնաժողովի հավանությանը։
Մանրամասները՝ տեսանյութում։
