14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Լեհաստանի նախագահը վետո է դրել դատական բարեփոխումների օրինագծի վրա
Քաղաքականություն
24.07.2017 | 15:11
Լեհաստանի նախագահ Անջեյ Դուդան վետո է դրել դատական համակարգի բարեփոխումներ նախատեսող երեք օրինագծերից երկուսի վրա, որոնք ավելի վաղ հաստատվել էին երկրի խորհրդարանի կողմից. հաղորդում է rg.ru-ն:
«Ես որոշեցի վետո դնել Գերագույն դատարանի և Արդարադատության ազգային խորհրդի ձևավորմանը վերաբերող օրինագծերի վրա, դրանք հետ ուղարկելով Սեյմ` խորհրդարանի ստորին պալատ», – հայտարարել է Լեհաստանի նախագահը:
Նշենք, որ Լեհաստանում արդեն մեկ շաբաթից ավելի բողոքի ցույցեր էին վիճահարույց փաթեթի դեմ:
Վերոնշյալ օրինագծերով նախատեսվում էր րոշիչ դերակատարություն վերապահել գործադիր իշխանությանը` մասնավորապես Արդարադատության նախարարությանը:
Եվրոպական հանձնաժողովը, ի դեպ, զգուշացրել էր, որ այս օրինագծերի ուժի մեջ մտնելու դեպքում Լեհաստանը կզրկվի Եվրամիության կառույցներում քվեարկելու իրավունքից:
