13.05.2026 | 14:44
ՌԴ ռազմական հրամանատարությունը Պուտինին համոզել է, որ մինչև աշուն կավարտի ամբողջ Դոնբասի գրավումը. FT
Ռուբիոն և Լավրովը հեռախոսազրույցում Մոսկվայի և Վաշինգտոնի հարաբերություններն են քննարկել
Քաղաքականություն
06.05.2026 | 11:38
Ռուսաստանի արտաքին գործերի նախարար Սերգեյ Լավրովը և ԱՄՆ պետքարտուղար Մարկո Ռուբիոն հեռախոսազրույցում քննարկել են Մոսկվայի և Վաշինգտոն հարաբերությունները՝ ավելի քան վեց ամսվա ընթացքում առաջին անգամ։ Այս մասին հայտնել են ՌԴ արտաքին գործերի նախարարությունը և ԱՄՆ Պետքարտուղարությունը, գրում է DW-ի ռուսական ծառայությունը։
ԱՄՆ Պետքարտուղարության խոսնակ Թոմի Փիգոթի խոսքով՝ հեռախոսազրույցը նախաձեռնել է ռուսական կողմը։
«Նրանք քննարկել են ԱՄՆ-Ռուսաստան հարաբերությունները, Ռուսաստան-Ուկրաինա պատերազմը և Իրանը»,- ասվում է հաղորդագրությունում։
Վերջին անգամ Լավրովն ու Ռուբիոն հեռախոսազրույց են ունեցել 2025 թվականի հոկտեմբերի 20-ին։ Այդ ժամանակ կողմերը քննարկել էին Ուկրաինայում մարտական գործողությունները դադարեցնելու հնարավոր քայլերը, ինչպես նաև Բուդապեշտում ՌԴ և ԱՄՆ նախագահներ Վլադիմիր Պուտինի և Դոնալդ Թրամփի մասնակցությամբ ռուս-ամերիկյան նոր գագաթնաժողովը, որն այդպես էլ տեղի չունեցավ։
Թարգմանությունը՝ Էմմա Չոբանյանի
