17.08.2026 | 11:31
ՊԵԿ-ը բացահայտել է 3.4 մլրդ դրամի կեղծ հարկային հաշիվների շրջանառության սխեմա
«Մոսկվա» կինոթատրոնի ամառային դահլիճը կվերակառուցվի
Հասարակություն
05.05.2026 | 18:50
«Մոսկվա» կինոթատրոնի ամառային դահլիճը կվերակառուցվի և ամբողջությամբ կբերվի նախնական տեսքի: Այս մասին հայտարարվեց այսօր Երևանի քաղաքապետարանի գործակարգավարական նիստի ժամանակ։
Քաղաքապետ Տիգրան Ավինյանը նշեց, որ այն քաղաքի ամենահետաքրքիր կառույցներից է եղել, որը քանդման վտանգի տակ էր։
«Այստեղ նաև պետք է դատախազության մեր գործընկերների հետ քննարկում ունենանք, քանի որ կա որոշակի իրավական գործընթաց՝ կապված տարածքների հետ: Մենք գլխավոր դատախազի հետ խոսել ենք այս թեմայի շուրջ և ընդհանուր առմամբ ունենք ըմբռնում՝ որոշակի գլոբալ լուծումներ տալու վերաբերյալ: Քաղաքի համար ամենակարևորն այն է, որ ամառային դահլիճը ամբողջապես վերականգնվի»,- ասաց Ավինյանը։
Նշվեց, որ ապրիլի 30-ին կինոթատրոնի տնօրինությունն արդեն ներկայացրել է էսքիզային նախագիծը։
Նիստի ընթացքում Երևանի քաղաքապետին նաև տեղեկացրին, որ առաջիկայում մայրաքաղաքի մի քանի փողոցներ ևս կզարդարվեն հայկական գորգի էսքիզներով։ Մայրաքաղաքի Աբովյան-Պուշկին փողոցում արդեն պատկերված է 1828 թվականի հայկական գորգի էսքիզ։
Factor.am-ը գրել էր, որ համացացնում տարածված գորգով նկարազարդված անցումներից իրական է միայն Աբովյան-Պուշկին փողոցինը։
