17.08.2026 | 12:42
Իրանի իշխանությունները գաղտնի ծրագիր են մշակել՝ ԱՄՆ-ի և Իսրայելի հետ պատերազմն ընդլայնելու համար. WSJ
Թրամփը սպառնում է կրճատել ամերիկյան զորքերի թիվը Գերմանիային
Քաղաքականություն
30.04.2026 | 11:17
ԱՄՆ-ը դիտարկում է Գերմանիայում իր զորքերի քանակը կրճատելու հարցը։ Այս մասին հայտարարել է ԱՄՆ նախագահ Դոնալդ Թրամփը Truth Social սոցիալական ցանցում արված գրառմամբ։
«Միացյալ Նահանգներն ուսումնասիրում և վերանայում է Գերմանիայում զորքերի թվաքանակի հնարավոր կրճատման հարցը, որոշումը կկայացվի առաջիկա կարճ ժամանակահատվածում»,- նշել է Թրամփը։
Ավելի վաղ նա գրել էր, որ Գերմանիայի կանցլեր Ֆրիդրիխ Մերցը «չգիտի՝ ինչի մասին է խոսում», եթե կարծում է, որ ընդունելի է Իրանի կողմից միջուկային զենք ունենալը։
«Ես հիմա Իրանի հետ անում եմ այն, ինչ մյուս երկրները կամ նախագահները պետք է անեին վաղուց։ Զարմանալի չէ, որ Գերմանիան այդքան վատ վիճակում է տնտեսապես և ընդհանուր առմամբ»,- գրել էր նա։
Մերցը հայտարարել էր, որ ԱՄՆ-ը «նվաստացվում է» Իրանի կողմից՝ քննադատելով ամերիկյան ռազմավարության բացակայությունը, մատնանշելով Իրաքը և Աֆղանստանը որպես նախազգուշացումներ պատերազմներ սկսելու համար՝ առանց ելքի ռազմավարությունների: Սակայն հետագայում նա ասել է, որ Թրամփի հետ իր անձնական հարաբերությունները մնացել են «լավ»՝ չնայած ԱՄՆ նախագահի քննադատությանը։
Պենտագոնի ապրիլի կեսերի տվյալների համաձայն՝ Եվրոպայում տեղակայված է շուրջ ամերիկացի 86,000 զինվորական, որոնցից շուրջ 39,000-ը՝ Գերմանիայում: Այս թիվը պարբերաբար տատանվում է, այդ թվում՝ անձնակազմի ռոտացիաների և զորավարժությունների պատճառով:
Թարգմանությունը՝ Էմմա Չոբանյանի
