25.10.2026 | 22:00
«Ականատես»-ը 407 ընտրատեղամասից 137-ում արձանագրել է 217 խնդիր և հնարավոր ընտրախախտում
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
29.04.2026 | 00:57
Չեմպիոնների լիգայի կիսաեզրափակիչի առաջին հանդիպումը ֆրանսիական ՊՍԺ-ի ու Մյունխենի «Բավարիայի» միջև գոլառատ ստացվեց։ Փարիզում կայացած խաղում մրցաշարի գործող գավաթակիրը տնային հաղթանակ տարավ 5:4 հաշվով։
Ֆրանսիայի չեմպիոնի կազմում 2-ական գոլ խփեցին վրացի վինգեր Խվիչա Կվարացխելիան ու ֆրանսիացի հարձակվող Ուսման Դեմբելեն, մեկ անգամ էլ աչքի ընկավ պորտուգալացի կիսապաշտպան Ժոաու Նևեշը։ «Բավարիայի» կազմում գոլի հեղինակ դարձան անգլիացի հարձակվող Հարի Քեյնը, ֆրանսիացի վինգեր Մայքլ Օլիսեն, ֆրանսիացի պաշտպան Դայո Ուպամեկանոն ու կոլումբացի կիսապաշտպան Լուիս Դիասը։
Պատասխան հանդիպումը կկայանա մայիսի 6-ին Մյունխենում։
Եզրափակիչի մյուս ուղեգիրը կվիճարկեն Լոնդոնի «Արսենալը» և Մադրիդի «Աթլետիկոն», որոնք կիսաեզրափակիչի առաջին հանդիպումը կանցկացնեն ապրիլի 29-ին։
