02.07.2026 | 17:23
Նիկոլ Փաշինյանի ճեպազրույցը՝ ՈՒՂԻՂ
ՌԴ-ում արգելվել է Հայաստանից ներկրված «Ջերմուկ» հանքային ջրի խմբաքանակի վաճառքը
Տնտեսություն
28.04.2026 | 10:39
ՌԴ պետական «Честный знак» պիտակավորման համակարգը կասեցրել է Հայաստանի «Ջերմուկ» հանքային ջրի խմբաքանակի վաճառքն առցանց և ոչ առցանց խանութներում: Առաջադեմ տեխնոլոգիաների զարգացման կենտրոնի (պիտակավորման օպերատոր) գլխավոր տնօրենի տեղակալ Ռևազ Յուսուպովը ՌԲԿ-ին ասել է, որ շրջանառության մեջ է եղել 338,000 շիշ, որոնք այժմ արգելափակված են՝ մինչև ստուգման ավարտը։
Կասեցումը, իբր, պայմանավորված է Ռոսպոտրեբնադզորի նամակով, որում գործակալությունը նշում է «Ռուսաստանի քաղաքացիների կյանքին և առողջությանն ուղղված հնարավոր վնասը կանխելու համար անհապաղ միջոցներ ձեռնարկելու» անհրաժեշտության մասին։ Արգելափակման պատճառը «պարտադիր պահանջների խախտումներն» են, հավելել է աղբյուրը։
Արգելքը վերաբերում է 2026 թվականի փետրվարի 17-ին և 2026 թվականի մարտի 5-ին արտադրված ապրանքներին։ Ըստ Յուսուպովի՝ «դրանք սպառողներին չեն հասնի մինչև ստուգման ավարտը»։
Նշվում է, որ 2024 թվականին Հյուսիսային Օսիայի բնակչի թունավորումից հետո պիտակավորման համակարգն արդեն կասեցրել էր «Ջերմուկի» 2,5 միլիոն շշի վաճառքը։ Պարզվել էր, որ շշի մեջ, հանքային ջրի փոխարեն, իբր, քացախաթթու է եղել։
Թարգմանությունը՝ Էմմա Չոբանյանի
