14.03.2026 | 14:08
Պատերազմներ սկսող քրիստոնյաները պետք է խոստովանեն․ Հռոմի պապ
«Չենք կարող չեղարկել S-400-ների վերաբերյալ Ռուսաստանի հետ կնքած պայմանագիրը». Չավուշօղլուն՝ ԱՄՆ-ին
Քաղաքականություն
21.11.2018 | 12:44
Վաշինգտոնում գտնվող Թուրքիայի արտգործնախարար Մևլութ Չավուշօղլուն մամուլի ասուլիս է տվել, որի ընթացքում խոսել է ռուսական S-400 զենիթահրթիռային ՀՕՊ համակարգերի մասին, որոնց գնման վերաբերյալ պաշտոնական Անկարայի ու Մոսկվայի միջև 2017-ին կնքվել էր պայմանագիր. փոխանցում է ermenihaber-ը:
Ըստ Չավուշօղլուի՝ չնայած ԱՄՆ-ի բոլոր զգուշացումներին, իրենք չեն կարող հրաժարվել այդ համակարգերից։
«S-400-ների վերաբերյալ առկա պայմանագրի հարցը փակված է, և մենք չենք կարող դա չեղարկել։ Մենք ունենք ՀՕՊ համակարգերի կարիք և կնախընտրենք դրանք գնել մեր դաշնակիցներից (ՆԱՏՕ-ի անդամներ-խմբ)։ Եթե մեր դաշնակիցները (ՆԱՏՕ-ի անդամներ-խմբ.) նման համակարգեր մեզ վաճառեին, ապա մենք նրանցից կգնեինք։ Հիմա մենք Ռուսաստանից ենք գնել S-400-ները։ Այդ հարցը քննարկման ենթակա չէ։ Մենք ունեինք նման համակարգի կարիք։ Մենք ստիպված ենք պաշտպանել մեր օդային տարածքը։ Մեր ազգի և հողի պաշտպանության հարցը մեր հիմնական պարտականությունն է»։
Չավուշօղլուն Վաշինգտոնում արդեն հանդիպել է ԱՄՆ պետքարտուղար Մայք Փոմփեոյի հետ։
