02.07.2026 | 12:30
Ալեն Սիմոնյանի ճեպազրույցը. ՈւՂԻՂ
2025-ին Հայաստանում արձանագրվել է դրական միգրացիոն սալդո․ ՆԳՆ
Հասարակություն
27.04.2026 | 15:42
ՆԳ նախարարությունը ներկայացրել է 2025-ի հիմնական արդյունքները՝ թվայնացումից մինչև հանրային անվտանգության նոր համակարգեր։ 2025 թվականին Հայաստանում արձանագրվել է դրական միգրացիոն սալդո․ հանրապետություն է մուտք գործել 8660-ով ավելի ՀՀ քաղաքացի, քան դուրս է եկել երկրից, իսկ ընդհանուր սալդոն կազմել է մոտ 30 500։
«Ներկայացվել են միգրացիոն ոլորտի ներկա պատկերն արտացոլող ցուցանիշները, որոնք լավագույնս փաստում են արձանագրված դրական տեղաշարժերի մասին։
«Ռեկորդ ունենք գրանցած 2025 թվականի միգրացիոն սալդոյում։ 2025 թվականին հանրապետություն մուտք է գործել 8660-ով ավելի ՀՀ քաղաքացի, քան դուրս է եկել երկրից։
Չհաշված Քովիդով պայմանավորված 2020 թվականի բացառությունը՝ 2025-ին առաջին անգամն է, որ ՀՀ քաղաքացիների սալդոն դրական է, այն էլ՝ բավական բարձր ցուցանիշ, ինչը միտումների իրական փոփոխության մասին է։ Ընդհանուր սալդոն ևս բացառիկ է՝ մոտ + 30 500, ինչը նշանակում է, որ ՀՀ-ում այլևս նոր միգրացիոն իրավիճակ ունենք, և Հայաստանը բացի տրանզիտից՝ վերածվել է արդեն մուտքի ուղղության»,- մասնավորապես ասված է ՆԳՆ-ի տարածած հաղորդագրությունում։
