27.04.2026 | 17:43
Թբիլիսիում ԵՄ դեսպանը կանչվել է Վրաստանի ԱԳՆ
Մոսկվայում ձյուն և ուժեղ քամիներ են. ծառեր են տապալվել, չվերթներ չեղարկվել
Քաղաքականություն
27.04.2026 | 14:21
Ապրիլի 27-ին Մոսկվայում և Մոսկվայի մարզում ձյուն է տեղացել: Քաղաքում հայտարարվել է եղանակային վտանգի նարնջագույն մակարդակ՝ ձյան, մերկասառույցի և ուժեղ քամու պատճառով, հայտնել է Հիդրոօդերևութաբանական կենտրոնը, գրում է Meduza-ն։
Նշվում է, որ Մոսկվայում և շրջակա տարածքում մինչև օրվա վերջ չեն դադարի ձյունը և վայրկյանում 18-23 մետր արագությամբ քամին: «Ֆոբոս» օդերևութաբանական կենտրոնի մասնագետ Եվգենի Տիշկովեցը նշել է, որ Մոսկվայում ամսական նորմայի կեսի չափով տեղումներ են եղել։
Մոսկվայի տարբեր հատվածներում քամին և ձյունը ծառեր են տապալել: Արբատ-Պոկրովսկայա մետրոյի գծում ծառ է ընկել գծերի վրա՝ խոչընդոտելով գնացքների երթևեկությունը «Պարտիզանսկայա» և «Շչելկովսկայա» կայարանների միջև:
Baza-ի հաղորդմամբ՝ «Վնուկովո» օդանավակայանում ձյան պատճառով գիշերը թռիչքներ են հետաձգվել։ Օդանավակայանի մամուլի ծառայությունն ավելի ուշ հայտնել է, որ որոշ չվերթներ հետաձգվել են «անբարենպաստ եղանակային պայմանների պատճառով»։
Մոսկվայի մարզի Դուբնա և Դոմոդեդովո քաղաքներում ձյան տեղումների և ընկած ծառերի պատճառով մասամբ անջատվել է էլեկտրաէներգիան, հայտնում են տեղական իշխանությունները։ Բացի այդ՝ Պավելեցկի և Սավելովսկի ուղղություններում խափանվել է գնացքների երթևեկությունը դեպի Մոսկվա։
Թարգմանությունը՝ Էմմա Չոբանյանի
