05.09.2026 | 13:49
Էլիզա Գասպարյանը որոնվում է որպես անհետ կորած
Լրագրողի նկատմամբ բռնության 1, իրավունքների խախտումների 29 դեպք է գրանցվել. ԽԱՊԿ-ն ամփոփեց եռամսյակը. ՏԵՍԱՆՅՈՒԹ
Հասարակություն
27.04.2026 | 13:29
«Ես այսօր այստեղ եմ եկել լավ լուրով. 2026 թվականի առաջին եռամսյակի ընթացքում լրագրողների և լրատվամիջոցների իրավունքների խախտումների քանակը բոլոր կատեգորիաներով նվազել է, եթե մենք համեմատենք անցած տարվա նույն ժամանակաշրջանի հետ։ Առաջին եռամսյակի ընթացքում ընդհանուր առմամբ բոլոր կատեգորիաներով խախտումների թիվը 30 է. դրանցից մեկը ֆիզիկական բռնություն է, յոթը՝ տեղեկություններ ստանալու և տարածելու իրավունքի խախտումներ, և 22-ը՝ տարատեսակ ճնշումներ են․ դրանք կարող են լինել սպառնալիքներ, դրանք կարող են լինել ֆեյսբուքյան, ուրեմն, վիրավորանքներ, զրպարտություն և այլն»,- այս մասին հրավիրված ասուլիսի ժամանակ ասաց Խոսքի ազատության պաշտպանության կոմիտեի նախագահ Աշոտ Մելիքյանը՝ ամփոփելով 2026 թվականի առաջին եռամսյակը։
Նրա փոխանցմամբ՝ այդ վիրավորական արտահայտությունները, սպառնալիքները եռամսյակի ընթացքում ութն են եղել, կսկ դրանցից յոթը իշխանության ներկայացուցիչների կողմից են արվել.
«Եվ այս առումով, իհարկե, բավականին մտահոգիչ է այդ փաստը»։
Անդրադառնալով արձանագրված ֆիզիկական բռնության մեկ դեպքին, Մելիքյանը պարզաբանեց՝ միջադեպը տեղի է ունեցել խորհրդարանում.
«Երբ բավականին, այսպես վիճահարույց հիմնավորումներով հավատարմագրումից զրկված լրագրողին անվտանգության ծառայության աշխատակիցների ուժի գործադրմամբ հեռացրեցին խորհրդարանից։ Դա մինչև հիմա լրագրողական համայնքի ներսում էլ տարաբնույթ բանավեճերի տեղիք է տալիս, բայց մենք այս առիթով ի սկզբանե հայտարարությամբ ենք հանդես եկել։ Մենք ուշադիր կհետևենք զարգացումներին, հատկապես, որ այդ լրագրողը առաջին ատյանի դատարանում այդ որոշումը վիճարկելիս հաջողության էր հասել»։
Մանրամասները՝ տեսանյութում։
