26.06.2026 | 00:17
Իսրայելի ԱԳ նախարարը նախատեսում է կառավարությանը առաջարկել Հայոց ցեղասպանությունը ճանաչելու բանաձև
Բրիտանիայում 2008 թվականից հետո ծնվածների համար ծխելու արգելքի մասին օրինագիծ է ընդունվել
Քաղաքականություն
22.04.2026 | 21:21
Բրիտանիայում 17 տարեկան և ավելի փոքր երեխաները կբախվեն ծխախոտ գնելու ցմահ արգելքի, քանի որ ծխախոտի և էլեկտրոնային ծխախոտների մասին օրինագիծը հաստատվել է խորհրդարանում, գրում է BBC-ն։
Ե՛վ Համայնքների, և՛ Լորդերի պալատը համաձայնության են եկել վերջնական նախագծի շուրջ, որը նպատակ ունի կանխել 2009 թվականի հունվարի 1-ից հետո ծնվածների ծխելը՝ խանութներին արգելելով ծխախոտ վաճառել և ստեղծելով ծխից զերծ սերունդ։ Երբ այն ստանա թագավորի համաձայնությունը, նախարարները կունենան նաև նոր լիազորություններ՝ կարգավորելու ծխախոտի, վեյփերի և նիկոտինային արտադրանքի, ներառյալ՝ դրանց համեմունքների և փաթեթավորման վաճառքը։ Վեյփինգը կարգելվի երեխաներ տեղափոխող մեքենաներում, խաղահրապարակներում, դպրոցներից դուրս և հիվանդանոցներում՝ ընդլայնելով ծխելու դեմ պայքարի օրենքները։
Վեյփինգը դեռևս թույլատրվելու է հիվանդանոցներից դուրս՝ ծխելը թողնել փորձողներին աջակցելու նպատակով։
Ծրագրերում չեն ներառվում բացօթյա վայրերը, ինչպիսիք են պանդոկների այգիները և ավելի լայն բաց տարածքները, ինչպիսիք են լողափերը և մասնավոր բացօթյա տարածքները։
Մարդիկ նաև կկարողանան ծխել և վեյփեր օգտագործել իրենց տներում։
Առողջապահության և սոցիալական ապահովության նախարար Ուես Սթրիթինգը սա անվանել է պատմական պահ ազգի առողջապահության համար։
«Կանխարգելումն ավելի լավ է, քան բուժումը. այս բարեփոխումը կփրկի կյանքեր, կմեղմի Ազգային առողջապահական ծառայության վրա ճնշումը և կկառուցի ավելի առողջ Բրիտանիա»,- ասել է նա։։
Թարգմանությունը՝ Էմմա Չոբանյանի
