21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Amnesty International-ը զգուշացնում է, որ «գիշատիչ» առաջնորդներ Թրամփը, Պուտինը և Նեթանյահուն ձգտում են նոր «աշխարհակարգ» պարտադրել
Քաղաքականություն
21.04.2026 | 22:50
ԱՄՆ-ի, Ռուսաստանի և Իսրայելի առաջնորդներ Դոնալդ Թրամփը, Վլադիմիր Պուտինն ու Բենիամին Նեթանյահուն ձգտում են նոր «գիշատիչ» աշխարհակարգի ձևավորման, մինչդեռ երկրների մեծ մասը չափազանց վախկոտ է նրանց կանգնեցնելու համար, հայտարարել է Amnesty International իրավապաշտպան կազմակերպությունը, գրում է France 24-ը։
Լոնդոնում խմբի տարեկան զեկույցը ներկայացնելիս գլխավոր քարտուղար Ագնես Կալամարը դատապարտել է ԱՄՆ նախագահ Դոնալդ Թրամփին, Ռուսաստանի նախագահ Վլադիմիր Պուտինին և Իսրայելի վարչապետ Բենիամին Նեթանյահուին՝ նրանց անվանելով «գիշատիչ» առաջնորդներ, որոնք «ոչնչացնում են իրենց գերիշխանության և ագահության ճանապարհին կանգնած ամեն ինչ» և «հարձակվում համընդհանուր մարդու իրավունքների հիմքերի վրա»։
Նրանք մերժել են Երկրորդ համաշխարհային պատերազմից հետո մշակված բազմակողմ համակարգը՝ հօգուտ «առանց բարոյական կողմնացույցի տեսլականի», որտեղ «իշխում է պատերազմը, այլ ոչ թե դիվանագիտությունը», ասվում է մարդու իրավունքների գլոբալ պաշտպանության վերաբերյալ զեկույցում։
Այն հրապարակվում է «դժվարին պահին», որը կարող է ոչնչացնել Երկրորդ համաշխարհային պատերազմից ի վեր ձևավորված բազմակողմանի համակարգը՝ հօգուտ «բարոյական կողմնացույցից զուրկ տեսլականի», որտեղ «իշխում է պատերազմը, այլ ոչ թե դիվանագիտությունը», ասվում է զեկույցում։
Թարգմանությունը՝ Էմմա Չոբանյանի
