05.06.2026 | 15:13
«Սաղ ձեր ընգերությանը՝ 15 հոգու, 300 հազար փո՞ղ են տվե»․ ՀԿԿ-ն նոր գաղտնալսում է հրապարակել․ ՏԵՍԱՆՅՈՒԹ
Թրամփը սպառնում է ոչնչացնել իրանական նավերը, որոնք կփորձեն հատել Հորմուզը՝ ԱՄՆ ռազմածովային ուժերի շրջափակման ֆոնին
Քաղաքականություն
13.04.2026 | 20:33
ԱՄՆ նախագահ Դոնալդ Թրամփը սպառնացել է ոչնչացնել իրանական նավերը, որոնք կփորձեն հատել Հորմուզի նեղուցը, քանի որ ուժի մեջ է մտել նեղուցի շրջափակումը։
«Իրանի նավատորմը գտնվում է ծովի հատակին՝ լիովին ավերված 158 նավ։ Մենք չենք հարվածել նրանց մի քանի, այսպես կոչված, «արագ հարձակման նավերին», քանի որ դրանք լուրջ սպառնալիք չենք համարել։ Զգուշացում. եթե այս նավերից որևէ մեկը մոտենա մեր շրջափակմանը, այն անմիջապես կոչնչացվի՝ օգտագործելով ոչնչացման նույն համակարգը, որը մենք օգտագործում ենք ծովում գտնվող նավակների վրա թմրանյութեր վաճառողների դեմ: Այն արագ և դաժան է»,- գրել է Թրամփը Truth Social-ում։
Ավելի վաղ ԱՄՆ նախագահը հայտարարել էր, որ երկրի ռազմածովային ուժերը կսկսեն շրջափակել Հորմուզի նեղուցով նավարկել փորձող իրանական նավերը։
«Ապրիլի 13-ին՝ ժամը 10:00-ին (արևելյան ժամանակով, Երևանի ժամանակով՝ 18։00) Միացյալ Նահանգները կշրջափակի Իրանի նավահանգիստներ մտնող կամ դուրս եկող նավերը»,- նշել էր Թրամփը։
Թարգմանությունը՝ Էմմա Չոբանյանի
