15.08.2026 | 14:00
Քեմբրիջի նախկին պրոֆեսոր Ջեյսոն Արդեյին մահացած են հայտնաբերել․ նա հեռացել էր համալսարանից գրագողության մեղադրանքներից հետո
Մանկապարտեզի 4 աշխատակից ազատվել է. տեսախցիկներով դիտարկումներ են իրականացվում․ ՏԵՍԱՆՅՈՒԹ
Հասարակություն
13.04.2026 | 11:49
Երևանի քաղաքապետարանի այսօրվա գործակարգավարական նիստում քննարկվել է մայրաքաղաքի մանկապարտեզներում տեղադրված տեսահսկման համակարգերի կիրառման ընթացքը։
Հանրակրթության վարչության պետի պաշտոնակատար Մարգարիտա Խաչատրյանը տեղեկացրեց, որ նախադպրոցական հաստատություններում տեսախցիկների միջոցով իրականացվում է ամենօրյա մշտադիտարկում՝ ընդգրկելով հաստատությունների հիմնական տարածքները։ Դիտարկումները կատարվում են ինչպես պլանային, այնպես էլ պատահական ընտրանքով և ահազանգերի հիման վրա։
Միաժամանակ, տեսահսկման արդյունքում կիրառվել են կարգապահական միջոցներ․
- 6 աշխատակցից պահանջվել է բացատրություն և տրվել խիստ նախազգուշացում,
- 7 աշխատակցի նկատմամբ կիրառվել է նկատողություն,
- 4 աշխատակցի հետ լուծվել են աշխատանքային պայմանագրերը։
Քաղաքապետ Տիգրան Ավինյանն ընդգծեց, որ աշխատանքից ազատվածներից մեկը մանկապարտեզի տնօրեն է եղել։
Մանրամասները՝ տեսանյութում։
