08.04.2026 | 23:21
Հրադադար Իրանում․ Գերմանիայի կանցլերը զանգել է Թրամփին
Պարույր Հայրիկյանն ու Վարդան Ղուկասյանը միասին են մասնակցելու ընտրություններին
Քաղաքականություն
08.04.2026 | 20:09
Պարույր Հայրիկյանի ղեկավարած «Ազգային ինքնորոշում միավորմումը» (ԱԻՄ) և հետախուզման մեջ գտնվող նախկին ռազմական ոստիկան Վարդան Ղուկասյանի ԴՕԿ-ն առաջիկա խորհրդարանական ընտրություններին միասին են մասնակցելու։ Այս տեղեկությունը Factor.am-ի հետ զրույցում հաստատեց ԱԻՄ առաջնորդ Պարույր Հայրիկյանը։
«Ես միավորվելու առաջարկ արեցի, ԴՕԿ-ի շտաբի պետը ինձ ասաց, որ իրենք դրական են մոտենում այդ գաղափարին։ Մենք քննարկեցինք ու ասացինք, որ պատրաստ ենք աշխատել ձեզ հետ»,- ներկայացրեց Հայրիկյանը։
Նա նշեց, որ դեռ պարզ չէ, թե միավորված ուժերն ինչ անունով են հանդես գալու կամ ով է լինելու վարչապետի թեկնածուն։ Հայրիկյանը միայն ասաց, որ ինքը չի լինելու առաջին համարի թեկնածուն։ Ղուկասյանի հետ մեկ այլ համագործակցության մասին էլ գրել է ԴՕԿ Կուսակցության շտաբի պետ, փաստաբան Լևոն Բաղդասարյանը։ Խոսքը Ստեփան Դեմիրճյանի մասին է։ Այս տեղեկությունը, սակայն, Դեմիրճյանից ճշտել չհաջողվեց, նա մեր զանգերն անպատասխան թողեց։ «Ա1+»-ի հետ զրույցում Ստեփան Դեմիրճյանը հայտարարել է, որ այդ տեղեկություններն իրականությանը չեն համապատասխանում։
Նարեկ Կիրակոսյան
