10.06.2026 | 14:31
Իրանը հայտարարել է, որ Պարսից ծոցի երկրները պատասխանատու են ԱՄՆ-ի և Իսրայելի հարվածները կանխելու համար
Երևանի Արգիշտի փողոցում ծեծի ու կողոպուտի դեպք․ հինգ երիտասարդ ձերբակալվել է
Հասարակություն
03.04.2026 | 14:49
ՆԳՆ ոստիկանությունից հայտնում են, որ մարտի 17-ի գիշերը մայրաքաղաքի Արգիշտիի փողոցում մի խումբ երիտասարդներ վիճաբանությունից հետո հարվածներ են հասցրել քաղաքացուն և հափշտակել նրա բջջային հեռախոսը․ հինգ կասկածյալները հայտնաբերվել և ձերբակալվել են։
«Մարտի 17-ի գիշերը՝ ժամը 2-ին, օպերատիվ կառավարման կենտրոն ահազանգած երիտասարդը հայտնել է, որ մայրաքաղաքի Արգիշտիի փողոցի իրենց շենքի բակում հինգ անձ անհարկի վիճել են իր հետ, հասցրել հարվածներ, վերցրել գետնին ընկած բջջային հեռախոսն ու փախել։
Նախաձեռնվել է քրեական վարույթ՝ ֆիզիկական ներգործության և կողոպուտի հատկանիշներով։
Օպերատիվ-հետախուզական միջոցառումների արդյունքում պարզվել է անձանց ինքնությունը՝ Աբովյան քաղաքի բնակիչ 18-20 տարեկան երիտասարդներ են։
Հինգն էլ ձերբակալվել են, խոստովանել արարքը և կազմված փաստաթղթերի հետ ներկայացվել նախաքննական մարմին։
Նախաքննությամբ հանգամանքները պարզվում են»,- ասված է հաղորդագրությունում։
