Մակրոնը արձագանքել է Թրամփի կողմից Բրիջիթ Մակրոնին ուղղված վիրավորանքներին

Էմանուել Մակրոնը քննադատել է Դոնալդ Թրամփին իր հասցեին ծաղրական արտահայտության համար։  Թրամփը նշել էր, որ Բրիջիթ Մակրոնը Ֆրանսիայի առաջնորդի հետ «չափազանց վատ» է վարվել, և որ  Մակրոնը «դեռևս վերականգնվում է մինչև ծնոտ», գրում է The Telegraph-ը։

Ֆրանսիայի նախագահը նշում է, որ  Թրամփի կողմից 2025 թվականի տեսանյութին անդրադարձը «ոչ էլեգանտ էր»։ Հիշեցնենք, կադրերում երևում էր, թե ինչպես է տիկին Մակրոնը ամուսնու դեմքը հրում։

Չորեքշաբթի օրը ԱՄՆ նախագահը The Telegraph-ին ասել էր, որ ՆԱՏՕ-ն «թղթե վագր» է և որ Վաշինգտոնը վերանայում է ԱՄՆ անդամակցությունը ռազմական դաշինքին, այն բանից հետո, երբ դաշնակիցները մերժել էին իր պահանջը՝ ռազմանավեր ուղարկել Հորմուզի նեղուցը բացելու համար։

Ելույթի ժամանակ  Թրամփը պնդել էր, որ ինքը խնդրել է Մակրոնին ֆրանսիական ռազմանավեր ուղարկել Պարսից ծոց։

Մինչ  Մակրոնին զանգահարելու մասին պատմելը,  Թրամփը հիշատակել է տիկին Մակրոնին և 2025 թվականի միջադեպը, որն այդ ժամանակ վիրուսային տարածում գտավ սոցիալական ցանցերում։

Մակրոնը Հարավային Կորեայում լրագրողներին ասել է. «Ես չեմ պատասխանելու դրանց [մեկնաբանություններին]. դրանք պատասխանի արժանի չեն։ Մենք պետք է աշխատենք լարվածության թուլացման, հրադադարի և բանակցությունների վերսկսման ուղղությամբ»։

Նա ավելացրել է. «Մենք խոսում ենք լուրջ կարևորության հարցերի մասին՝ մենք խոսում ենք պատերազմի, առաջնագծում կռվող տղամարդկանց և կանանց, զոհվող տղամարդկանց, կանանց և քաղաքացիական անձանց մասին»։

Մակրոնն ասել է, որ պատերազմը չի լուծի Թեհրանի միջուկային ծրագրի հարցը, և միայն «խորը բանակցությունները» կարող են դա անել։

Թարգմանությունը՝ Էմմա Չոբանյանի