Սարգիս Կարապետյանի վարորդը երկրորդ անգամ է տուգանվում․ միլիարդատիրոջ որդուն սպասարկող մեքենայի հետնապակուց գրությունը չի հեռացվել

Լուրեր

17.11.2026 | 10:00
ԱԺ քառօրյայի մեկնարկը՝ ՈՒՂԻՂ
17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
Բոլորը

«Ուժեղ Հայաստան» կուսակցության առաջնորդ Սամվել Կարապետյանի որդուն՝ Սարգիս Կարապետյանին պատկանող «Մայբախի» վարորդը երկրորդ անգամ է տուգանվում։ Պատճառը 99 SK 999 «գոլդ» համարներով MERCEDES-BENZ MAYBACH S580 մակնիշի ավտոմեքենայի վրա գովազդի տեղադրման կարգի խախտումն է։ Այս մասին Factor.am-ի գրավոր հարցմանն ի պատասխան տեղեկացրել են ՀՀ ՆԳՆ-ից։

Ըստ գերատեսչության՝ վարորդը երկրորդ անգամ տուգանվել է 20 հազար դրամով։ Մինչ այս էլ տուգանվել էր 25 հազար դրամով։

Հիշեցնենք՝ Factor.am-ը փետրվարի 17-ին էր առաջին անգամ արձանագրել, որ ռուսաստանցի խոշոր գործարար, միլիարդատեր ու Հայաստանում վարչապետ դառնալու ցանկություն հայտնած Սամվել Կարապետյանի որդու մեքենայի հետնապակուն «Ուժեղ Հայաստան Սամվել Կարապետյանի հետ» գրությունն է։ Մեր այս հրապարակումից հետո ոստիկանությունը վարչական տուգանք կիրառեց՝ 25 հազար դրամ։ 20 հազարը՝ ապակու գրության, իսկ հինգ հազարը՝ մեքենան չթույլատրվող վայրում կայանելու համար։

Նույն խախտումը Factor.am-ն արձանագրեց նաև մարտի 11-ին։ Մեր հերթական հրապարակումից հետո ոստիկանությունը կրկին 20 հազար դրամով տուգանել է Սարգիս Կարապետյանի վարորդին։ Երկու դեպքում էլ Կարապետյանի մեքենան արձանագրել ենք Սարյան փողոցում կայանած։

ՆԳՆ-ից հետաքրքրվել ենք, թե բացի տուգանքը ի՞նչ գործողություններ են ձեռնարկվել խախտումներով տեղադրված գովազդը հեռացնելու համար։

«Նշված տրանսպորտային միջոցով թույլ տրված՝ տրանսպորտային միջոցի վրա գովազդի տեղադրման կարգի խախտումը ճանապարհային երթևեկության կանոնների խախտում չի հանդիսանում, այլ ՀՀ կառավարության 2005 թվականի նոյեմբերի 24-ի N 2137-Ն որոշմամբ հաստատված՝ տրանսպորտային միջոցներում գովազդի տեղադրման կարգի խախտում է, այն ներառված չէ տրանսպորտային միջոցների շահագործումն արգելող պայմանների ցանկում, ուստի իրավախախտումը վերացնելու պարտականությունը տրանսպորտային միջոցի սեփականատիրոջ, ոչ թե ոստիկանության պարտականությունն է»,-փոխանցել է ՆԳՆ խոսնակը։

Հայաստանը ղեկավարելու հավակնություն ունեցող գործչի որդու կողմից վարչական իրավախախտումը չվերացնելու այս դրսևորումը հատկապես ուշագրավ է քաղաքական ուժի կողմից ուժեղ Հայաստան կառուցելու կարգախոսների ֆոնին։

Նարեկ Կիրակոսյան