27.07.2026 | 21:13
Նեթանյահուն հայտարարել է, որ Վաշինգտոնում իր օրակարգի գլխավոր առաջնահերթությունն Իրանն է
Ռուսաստանը հարվածել է Օդեսային և Պոլտավային. մեկ մարդ զոհվել է, վիրավորներ կան
Քաղաքականություն
31.03.2026 | 13:55
Ռուսական զորքերը մարտի լույս 31-ի գիշերը Ուկրաինայի վրա արձակել են 289 անօդաչու թռչող սարք, որոնցից ՀՕՊ ուժերը խոցել են 267-ը, հայտնել է Ուկրաինայի ՌՕՈՒ-ն, գրում է Current time-ը։
Ըստ Օդեսայի ռազմական վարչակազմի ղեկավար Սերգեյ Լիսակի՝ հարձակման հետևանքով վնասվել է քաղաքի ինը հարկանի շենքի ճակատային մասը, ինչպես նաև երկրորդից չորրորդ հարկերի պատշգամբները։ Վիրավորվել է մեկ տղամարդ։
Ուկրաինայի արտակարգ իրավիճակների պետական ծառայության հաղորդմամբ՝ Պոլտավայում ևս բազմահարկ բնակելի շենք է վնասվել, վերին հարկի առաստաղները քանդվել են։ Մեկ մարդ զոհվել է, չորսը՝ վիրավորվել, այդ թվում՝ երկու երեխա։
Սլավյանսկ քաղաքի ռազմական վարչակազմի ղեկավար Վադիմ Լյախը հայտնել է, որ ռուսական ուժերը գիշերը քաղաքի վրա նետել են երկու ФАБ-250 ռումբ։ Վնասվել է առնվազն 22 մասնավոր տուն և երեք մեքենա։ Երեք մարդ վիրավորվել է։
Թարգմանությունը՝ Էմմա Չոբանյանի
