Իսրայելն ընդունել է ահաբեկչության համար դատապարտված պաղեստինցիներին մահապատժի ենթարկելու մասին վիճահարույց օրենքը

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Իսրայելի Քնեսեթը (խորհրդարանը) ընդունել է օրենք, որը ահաբեկչության համար  դատապարտվածների մահապատիժ է սահմանում, հաղորդում  է «Եդիոտ Ահրոնոտը»: Վիճահարույց օրենքի օգտին երրորդ ընթերցմամբ քվեարկել է 62 պատգամավոր, դեմ՝ 48-ը, փոխանցում է Meduza-ն։

Օրինագիծը մշակվել է ծայրահեղ աջակողմյան «Օցմա Եհուդիտ» կուսակցության կողմից, որը գլխավորում է ազգային անվտանգության նախարար Իտամար Բեն-Գվիրը: Իսրայելի վարչապետ Բենիամին Նեթանյահուն աջակցել է նախաձեռնությանը: Հարցի շուրջ քննարկումը խորհրդարանում տևել է մոտ 12 ժամ։

The Jerusalem Post-ի հաղորդմամբ՝ օրենքը սահմանում է, որ ահաբեկիչը, որը դիտավորյալ սպանում է մարդուն ահաբեկչական հարձակման ժամանակ, կդատապարտվի մահապատժի: Դատավճիռը կիրականացվի կախաղան բարձրացնելու միջոցով, մահապատիժը կիրականացվի դատավճռի հրապարակումից հետո 90 օրվա ընթացքում:

Օրենքը սահմանում է, որ որոշում կայացնելիս դատավորը կկարողանա ընտրել մահապատժի և ցմահ բանտարկության միջև (փաստաթղթի առաջին տարբերակում միայն մահապատժի մասին էր խոսվում): Սակայն ռազմական դատարանների կողմից ահաբեկչության համար դատապարտված Արևմտյան ափի բնակիչները կդատապարտվեն միայն մահապատժի:

Այս օրենքը մահապատժի տարբերակը գործնականում ամրագրում է միայն պաղեստինցիների համար, քանի որ այն ակնհայտորեն չի տարածվում Իսրայելի քաղաքացիների կամ բնակիչների վրա: Օրենքի առանձին դրույթ թույլ է տալիս դատարաններին մահապատժի ենթարկել ցանկացած անձի, այդ թվում՝ Իսրայելի քաղաքացիների, սակայն մահապատիժը կարող է կիրառվել միայն նրանց նկատմամբ, որոնք «դիտավորյալ մահ են պատճառել՝ Իսրայել պետության գոյությունը ժխտելու նպատակով»: Այս սահմանումը բացառում է իսրայելցի ահաբեկիչների մահապատիժները, կարծում է The Times of Israel-ը։

Քնեսեթի անդամ Գիլադ Կարիվը հայտարարել է, որ օրենքի դեմ դիմում կներկայացնի Գերագույն դատարան։

Քվեարկության նախօրեին Մեծ Բրիտանիան, Ֆրանսիան, Գերմանիան և Իտալիան համատեղ հայտարարությամբ «խորը մտահոգություն» էին հայտնել օրենքի հետ կապված՝ նշելով, որ այն կարող է «խաթարել Իսրայելի հավատարմությունը ժողովրդավարական սկզբունքներին»։

Արևմտյան ափը կառավարող Պաղեստինյան ինքնավարությունն էլ դատապարտել է օրենքը՝ ասելով, որ այն «նպատակ ունի օրինականացնել դատական ​​​​մահապատիժները՝ օրենսդրության քողի տակ»։

ՄԱԿ-ի փորձագետների խումբը նշել է, որ օրենքը պարունակում է «ահաբեկչություն» հասկացության անորոշ սահմանումներ, ինչը կարող է հանգեցնել մահապատժի կիրառման՝ «բնույթով ահաբեկչական չհամարվող» գործողությունների համար։

Իսրայելական B’Tselem իրավապաշտպան կազմակերպությունը պնդում է, որ Արևմտյան ափի ռազմական դատարանները, որտեղ դատվում են պաղեստինցիները, ունեն 96% դատապարտման մակարդակ և խոստովանություններ կորզելու պրակտիկա՝ խոշտանգումների միջոցով։

Իսրայելի քաղաքացիական իրավունքների  պաշտպանության ասոցիացիան միջնորդություն է ներկայացրել երկրի Գերագույն դատարան՝ պահանջելով չեղյալ հայտարարել օրենքը։ Այժմ Գերագույն դատարանը կորոշի՝ քննե՞լ դիմումը, թե՞ ոչ։

Թարգմանությունը՝ Էմմա Չոբանյանի