28.03.2026 | 19:00
Եթե Գզոյանի նվիրած գիրքը «սադրիչ էր»,ինչո՞ւ է ԿԳՄՍ նախարարությունը հեղինակին պարգևատրել. Մանուկյան․ ՏԵՍԱՆՅՈւԹ
Թրամփը ցանկանում է ՆԱՏՕ-ի որոշ երկրների զրկել ձայնի իրավունքից․ The Telegraph
Քաղաքականություն
28.03.2026 | 16:23
ԱՄՆ նախագահ Դոնալդ Թրամփը դիտարկում է ՆԱՏՕ-ի անդամներին որոշումների ընդունման ժամանակ ձայնի իրավունքից զրկելու հնարավորությունը, եթե նրանք չհասնեն ՀՆԱ-ի 5%-ին համարժեք պաշտպանական ծախսերի նպատակային ցուցանիշին, հաղորդել է The Telegraph թերթը։
Սպիտակ տան ղեկավարը այս տարբերակն ուսումնասիրում է այն բանից հետո, երբ ԱՄՆ-ի եվրոպացի դաշնակիցները հրաժարվել են նավեր ուղարկել՝ Օրմուզի նեղուցը ապաշրջափակելու համար։
«Մեր հիասթափությունը եվրոպացիներից իրական էր»,- նշել է ԱՄՆ վարչակազմի ներկայացուցիչը։
«Ցանկացած երկիր, որը չի հատկացնում 5%, չպետք է ձայնի իրավունք ունենա ՆԱՏՕ-ում ապագա ծախսերի վերաբերյալ որոշումների ընդունման ժամանակ»,- հավելել է նա։
Ձայնի իրավունքը կարևոր է դաշինքի ընդլայնման, համատեղ առաքելությունների իրականացման և Հյուսիսատլանտյան պայմանագրի 5-րդ հոդվածի կիրառման որոշումների ժամանակ։
«Չի կարելի ձայնի իրավունք տալ նրանց, ովքեր իրենց բաժինը չեն վճարում։ Մենք պետք է հստակ հասկացնենք, որ այն, ինչ արեցին Իսպանիան և Մեծ Բրիտանիան, անընդունելի է»,- նշել է աղբյուրը։
2025 թվականին Մեծ Բրիտանիան պաշտպանության վրա ծախսել է ՀՆԱ-ի 2.33%, ինչը միայն փոքր-ինչ գերազանցում է Ռումինիայի, Բուլղարիայի և Հյուսիսային Մակեդոնիայի ցուցանիշները։
ԱՄՆ նախագահի մերձավոր աղբյուրները հայտնել են, որ նա նաև դիտարկում է ամերիկյան զորախմբի դուրսբերումը Գերմանիաից։ Թրամփը այս քայլը քննարկում է 2025 թվականին պաշտոն վերադառնալուց ի վեր։
Ներկայում ՆԱՏՕ-ի բոլոր անդամ երկրները պաշտպանության վրա ծախսում են առնվազն ՀՆԱ-ի 2%։
ՆԱՏՕ-ի գլխավոր քարտուղար Մարկ Ռյուտեն հայտարարել է, որ դաշինքը պետք է մշակած լինի 5% նպատակին հասնելու ծրագիր հուլիսի 7-8-ին Անկարաում կայանալիք գագաթնաժողովում։
Մի շարք ՆԱՏՕ-ի ներկայացուցիչներ նշել են, որ ԱՄՆ-ը դեռ պաշտոնապես չի ներկայացրել այս ծրագրերը Բրյուսելում գտնվող դաշինքի կենտրոնակայանում, սակայն ամերիկացի պաշտոնյաները տարբեր քննարկումներում առաջ են մղել նոր մոդելի գաղափարը։
