29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Սպերցյանի մասնակցության վերաբերյալ որոշում կլինի խաղի օրը. Մելիքյան
28.03.2026 | 18:11
Ռուսաստանի չեմպիոն «Կրասնոդարի» կիսապաշտպան, Հայաստանի ազգային հավաքականի ավագ Էդուարդ Սպերցյանի մասնակցությունը հարցականի տակ է Բելառուսի հավաքականի դեմ ընկերական հանդիպմանը։ Այդ մասին նախախաղային ասուլիսում հայտարարել է Հայաստանի հավաքականի գլխավոր մարզիչ Եղիշե Մելիքյանը։
«Մենք ևս մեկ օր ժամանակ ունենք` հասկանալու համար` Սպերցյանը կլինի խաղադաշտում, թե` ոչ։ Այդ մասին կարող ենք իմանալ վաղը, որովհետև առայժմ աշխատանք է գնում»,- նշել է մարզիչը։
Ավելի վաղ հայտնի էր դարձել, որ Էդուարդ Սպերցյանը վնասվածք ունի։ Ընթացիկ մրցաշրջանում 25-ամյա կիսապաշտպանը «Կրասնոդարի» կազմում անցկացրել է 31 հանդիպում, դարձել 12 գոլի ու 15 գոլային փոխանցման հեղինակ։
Հայաստան – Բելառուս հանդիպումը կկայանա մարտի մարտի 29-ին Վազգեն Սարգսյանի անվան «Հանրապետական» մարզադաշտում և կմեկնարկի 18։00-ին։
