TOON EXPO-ն մեկնարկել է․ անշարժ գույքի շուկան մեկ հարթակում երեք օր՝ Մերիդիանում. ՏԵՍԱՆՅՈՒԹ

Վճարովի բովանդակություն

Մերիդիան էքսպո կենտրոնում մեկնարկել է անշարժ գույքի և կառուցապատման ոլորտի միջազգային խոշորագույն ցուցահանդեսը՝ TOON EXPO-ն։ Սա այն հարթակն է, որտեղ հնարավոր է ծանոթանալ շուկայի առաջարկներին և գնել բնակարան հենց տեղում։

«Ներկայացված է շուրջ 150 քաղաքաշինական նախագիծ Հայաստանից՝ Երևանից և մարզերից, 50-ից ավելի նախագծեր 11 տարբեր երկրներից: Որ պատկերացնեք աշխարհագրությունը՝ Եգիպտոսից մինչև Մեծ Բրիտանիա, Արաբական Միացյալ Էմիրություններ, Կիպրոս, Թայլանդ, Իսպանիա, Հունաստան՝ այս բոլոր երկրներում մենք ունենք գործընկերներ, որոնք այստեղ ներկայացնում են իրենց անշարժ գույքը»,- նշում է Big Projects ընկերության համահիմնադիր, Մարքեթինգի և հանրային կապերի բաժնի ղեկավար Դիանա Հարոյանը։

Տեղական և միջազգային շուրջ 150 ընկերություններ իրենց առաջարկները ներկայացնելու են 3 օր՝ մինչև մարտի 29-ը ներառյալ՝ Մերիդիան ցուցահանդեսային կենտրոնում։ Ցուցահանդեսի կազմակերպիչը «Բիգ փրոջեքթս» ընկերությունն է։ 

TOON EXPO-ին միացած Hay Develop ընկերությունից ընդգծում են՝ այցելուների հոսքը սկսվել է առավոտից։ TOON EXPO-ի շրջանակում կառուցապատող ընկերությունը ներկայացնում է «Hay View» և  «Monument 21» նախագծերը՝ հատուկ առաջարկներով։

«Մենք մասնակցել ենք բոլոր TOON EXPO-ներին, շատ գոհ ենք արդյունքներից, շարունակելու ենք մասնակցել։ TOON EXPO-ի շրջանակներում ունենք 20,000 դրամի զեղչ բոլոր բնակարանների համար երկու պրոյեկտով և խաղարկում ենք 2 միլիոն դրամի երկու վաուչեր «Hay View» նախագծից և մեկ վաուչեր 2 միլիոն դրամի «Monument 21» նախագծից»,- ասում է Hay Develop ընկերության վաճառքների բաժնի ղեկավար Հարություն Խաչատրյանը։

Խաղարկությանը մասնակցելու համար այցելուներին անհրաժեշտ է պարզապես գրանցվել և համապատասխան կտրոնը գցել տարայի մեջ։ Հաղթողները հայտնի կդառնան ցուցահանդեսի վերջին օրը՝ մարտի 29-ին։ 

Ցուցահանդեսին ներկայացված են ոչ միայն բնակարաններ, այլ նաև ներդրումային նախագծեր՝ հյուրանոցային ապարտամենտներից մինչև արագ կառուցվող տներ։ SIPSHEN ընկերությունը ներկայացնում է միանգամից մի քանի ուղղություն՝ թե՛ բնակելի, թե՛ հյուրանոցային։

«Մեր ընկերությունը ներկա պահին ֆինանսավորում է և կառուցում է մի քանի պրոյեկտներ: Պրոյեկտներից մեկը, որտեղ մեր ընկերությունը որպես գլխավոր ներդրող է, «Best Western Premier»-ն է՝ առաջին «Best Western Premier» հյուրանոցը Հայաստանում: Սա չորսաստղանի միջազգային հյուրանոցային ցանցի հյուրանոց է, որը գտնվում է Հայաստանում: Երկրորդ պրոյեկտը, որը մեր ընկերությունը այսօր ներկայացնում է, կոչվում է «Wine Village»: Սա 30 տներից կառուցված քոթեջային համալիր է, որը կառուցվում է Աշտարակում՝ Փարպիում»,- ներկայացնում է SIPSHEN ընկերության «White Garden» և «Wine Village» նախագծերի համահիմնադիր և կոմերցիոն տնօրեն Էդգար Դավթյանը։

Հնարավոր է նաև տուն պատվիրել ընկերությունից՝ 84 պատրաստի նախագծերից կամ ձեր նախընտրած տարբերակով։ Ընկերությունն այդ տունը կառուցում է ընդամենը 4 շաբաթում, 1 քառակուսի մետրի արժեքը սկսվում է 300 դոլարից։ Ընկերությունը TOON EXPO-ին մասնակցում է արդեն երկրորդ անգամ՝ այս տարի ավելի մեծ ներկայացվածությամբ։

«TOON EXPO-ի շրջանակում մենք առաջարկում ենք 50% զեղչ ապարտամենտներին «Best Western Premier» հյուրանոցում։ Մասնակցելու համար պետք է մոտենալ մեր ստենդին, թողնել հայտ, և կիրակի օրը կկայանա խաղարկությունը»,- նշում է Դավթյանը։

Նախագիծը դեռ կառուցման փուլում է, սակայն ներդրողները կարող են արդեն այս փուլում ձեռք բերել ապարտամենտներ։ Ընկերության ներկայացրած մոդելը ենթադրում է, որ գնորդը կարող է գնել գույքը և այն փոխանցել կառավարման՝ ստանալով եկամուտ 65 տոկոսի չափով։

Ցուցահանդեսին այս տարի մասնակցում են նաև միջազգային շուկայում գործող ընկերություններ, որոնք փորձում են հայկական շուկայի համար բացել նոր հնարավորություններ: Նրանցից մեկը ներկայացնում է Չեխիայի անշարժ գույքի շուկան՝ առաջարկելով ինչպես ներդրում, այնպես էլ կայուն եկամտի հնարավորություն։ Ընկերությունը գործում է երկու ուղղությամբ՝ կառուցապատում և վաճառք։

«Չեխիայի անշարժ գույքը շատ հետաքրքիր է․ ամեն տարի 10% կապիտալիզացիա է լինում, այսինքն՝ ամեն տարի 10%-ով թանկանում է, և  վարձակալությունից 4% փող եք ստանում։ Կարող եք գնել բնակարան և տալ մեզ վարձով, մենք ձեզ տանք 4% եկամտավարձ»,- ասում է iHomes Real Estate և iEnergy Stav-ի հիմնադիր տնօրեն Նորայր Ջավուկցյանը։

Չնայած առաջին մասնակցությունն է TOON EXPO-ին, արդեն նկատվում է հետաքրքրություն այցելուների կողմից՝ ընդգծում է Ջավուկցյանը։ Ցուցահանդեսին մասնակցելու որոշումը, ըստ նրա, պայմանավորված է ինչպես էքսպոյի դրական համբավով, այնպես էլ գործարար միջավայրի հնարավորություններով։ Դե իսկ Էքսպոյի շրջանակում ընկերությունը ներկայացնում է նաև հատուկ առաջարկ։

Մասնակիցների գնահատմամբ՝ TOON EXPO-ն էական ազդեցություն ունի վաճառքների վրա՝ հատկապես այն պատճառով, որ մեկ վայրում միաժամանակ ներկայացվում են բազմաթիվ նախագծեր։

Այս տարվա ցուցահանդեսի ամենաաննախադեպ ցուցանիշը նախապես գրանցված այցելուների թիվն է՝ 23 հազար, այդ թվում՝ աշխարհի 27 երկրներից, ինչը, ըստ կազմակերպիչների, վկայում է, որ հայկական անշարժ գույքի շուկայի նկատմամբ հետաքրքրությունը դուրս է գալիս երկրի սահմաններից։

TOON EXPO INVEST 2026-ին միացել են նաև Երևանի քաղաքապետարանն ու Պետական գույքի կառավարման կոմիտեն՝ ներկայացնելով ներդրումային նախագծեր։ TOON EXPO-ն այցելուների համար ապահովել է նաև հարմարավետ միջավայր․ գործում են անվճար փոխադրամիջոցներ Հանրապետության հրապարակից դեպի Մերիդիան, ինչպես նաև սննդի, սուրճի և մանկական անկյուններ։

Մանրամասները՝ տեսանյութում։

Արփի Հակոբյան