15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Իրանում պատերազմի սկսվելուց ի վեր զոհվել է առնվազն 1900 մարդ
Քաղաքականություն
27.03.2026 | 22:26
Իրանի դեմ գրեթե չորս շաբաթ առաջ ԱՄՆ-ի և Իսրայելի համատեղ ռազմական գործողության սկսվելուց ի վեր զոհվել է առնվազն 1900 մարդ, վիրավորվել՝ 20,000-ը, հայտնել է Իրանի Կարմիր մահիկը, գրում է CNN-ը։
«Մարդասիրական իրավիճակն արագորեն վատթարանում է։ Թեհրանը, որը մոտ 9 միլիոն բնակչություն ունի, լիովին դատարկ է թվում»,- մամուլի ասուլիսում ասել է կազմակերպության Իրանի պատվիրակության ղեկավար Մարիա Մարտինեսը։
Ըստ նրա՝ մեկ փրկարար իր ընտանիքի անդամների մարմինները հայտնաբերել է հարվածի հետևանքով ավերված շենքի փլատակների տակ:
«Ղոմում մեկ այլ առաջին արձագանքող փրկարար փրկարար փրկել է իր մորաքրոջը և նրա ամուսնուն՝ մի փոքր երեխայի հետ»,- հավելել է նա։
Ավիահարվածներից մեծ վնաս է հասցվել քաղաքացիական ենթակառուցվածքների մեծ մասին, այդ թվում՝ մոտ 289 բժշկական հաստատության, ինչպես նաև 600 դպրոցի և կրթական հաստատության։ Հարձակման են ենթարկվել մարդասիրական կազմակերպության կենտրոններից 17-ը, վնասվել կամ ոչնչացվել է գրեթե 100 շտապօգնության մեքենա։
Մարտինեսն ասել է, որ գնաճը, որն արդեն իսկ լայն տարածում ուներ Իրանում պատերազմի սկսվելուց առաջ, ավելի է կտրուկ աճել։ Դա «լուրջ սահմանափակում է անհրաժեշտ ապրանքների, այդ թվում՝ սննդի և դեղորայքի հասանելիությունը», մինչդեռ հարավային Իրանի որոշ քաղաքներ «բախվում են ջրի և էլեկտրաէներգիայի անջատումների», իսկ երկիրը շարունակում է մնալ համազգային ինտերնետի անջատման իրավիճակում։
CNN-ը նշում է, որ իրանական ռեժիմը պատերազմի առաջին մի քանի օրերից ի վեր պաշտոնական զոհերի թիվը չի հրապարակել։
Թարգմանությունը՝ Էմմա Չոբանյանի
