03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
ՆԱՏՕ-ն պատրաստ է խորացնել համագործակցությունը Հայաստանի և Ադրբեջանի հետ
Քաղաքականություն
27.03.2026 | 12:19
Հարավային Կովկասը կարևոր է ՆԱՏՕ-ի անվտանգության համար, հատկապես այն պատճառով, որ տարածաշրջանը շարունակում է զգալ Ռուսաստանի կողմից Ուկրաինայի դեմ ագրեսիայի ազդեցությունը։ Այս մասին ասվում է ՆԱՏՕ-ի գլխավոր քարտուղար Մարկ Ռյուտեի 2025 թվականի արդյունքների վերաբերյալ տարեկան զեկույցում։
«ՆԱՏՕ-ն ողջունել է Հայաստանի և Ադրբեջանի միջև խաղաղության ուղղությամբ նշանակալի առաջընթացը և գնահատել Միացյալ Նահանգների շարունակական ներդրումը խաղաղության գործընթացում»,- ասվում է զեկույցում։
Նշվում է, որ օգոստոսյան խաղաղության համաձայնագրի նախաստորագրումը կարևոր քայլ էր հարաբերությունների կարգավորման և տարածաշրջանային անվտանգության ուղղությամբ, և ՆԱՏՕ-ն պատրաստ է խորացնել երկխոսությունն ու համագործակցությունը երկու երկրների հետ։
Դաշնակիցները նաև վերանայում են ՆԱՏՕ-ի ներգրավվածությունը Վրաստանի հետ՝ հաշվի առնելով 2024 թվականի խորհրդարանական ընտրությունները և դրանց հետևանքները։
Արդյունքում, վերագնահատվել են ՆԱՏՕ-Վրաստան համագործակցության տարրերը, այդ թվում՝ ՆԱՏՕ-Վրաստան էական փաթեթի որոշ ասպեկտներ։ Միաժամանակ, նշվում է, որ Վրաստանի պաշտպանական ուժերի հետ պաշտպանական համագործակցությունն առաջընթաց է ապրել, ինչի վառ ապացույցն էին մայիսին ՆԱՏՕ-Վրաստան հաջող զորավարժությունները։ Վրաստանում գտնվող ՆԱՏՕ-ի կապի գրասենյակը շարունակում է ակտիվ համագործակցությունը Հարավային Կովկասի տարածաշրջանում բոլոր երեք գործընկերների հետ։
Թարգմանությունը՝ Էմմա Չոբանյանի
