Մի՛ վախեցեք, ասեք՝ ՌԴ․ էս հո Հարրի Փոթե՞րը չի, որ Վոլդեմորտի անունը չեն տալիս․ Վարդանյանը՝ ՔՊ-ին․ ՏԵՍԱՆՅՈՒԹ

«Մի՛ վախեցեք, այդքան սարսափելի չի Ռուսաստանը, ասե՛ք՝ Ռուսաստան»,- այս մասին խորհրդարանական ճեպազրույցների ժամանակ ասաց պատգամավոր Քրիստինե Վարդանյանը՝ խոսելով հիբրիդային հարձակումների մասին, որոնք, ըստ իշխանության ներկայացուցիչների, գալիս են այլ երկրներից, սակայն անուններ չեն նշվում։

«Եթե սպառնալիք այդտեղից կա, ինչու՞ չեն տալիս՝ թողնելով իրենց մանևրելու հնարավորություն։ Կրկնում եմ, որ գնան Բրյուսել աջակցություն փորձեն ստանալ՝ մատնանշելով, որ սպառնալիք կա Ռուսաստանից, գնան Ռուսաստան աջակցություն փորձեն ստանալ՝ ասելով, որ չէ, այն հայտարարությունները, որ անում ենք, Ձեր դեմ ուղղված չեն։

Տեսնում ենք, որ որևէ հարցում, սկսած ներքաղաքականից մինչև արտաքին քաղաքականություն, չկա սկզբունքայնություն, չկա հետևողականություն, կա խաբել, միայն խաբել։ Չեն տալիս, որպեսզի չլինի որևէ կոնկրետություն, չեն տալիս, որպեսզի, եթե ուղիղ մատնանշեն, բնական է, որ դրան պիտի լինի հակազդեցություն, այսինքն արձագանք պիտի լինի, հակազդեցությունը սխալ բառ է, արձագանք պիտի լինի։ Հիմա ինչու՞ չեն տալիս, ինձ թվում է իրենց պետք է ուղղեք, այստեղ բրիֆինգի են, կարելի է հարցնել։

Հասկանու՞մ եք, արտաքին հետախուզական ծառայությունը կոնկրետ հայտարարություն է հրապարակել, ասել է՝ կոնկրետ երկրի ուժային կառույցի միջամտության փորձ ենք արձանագրել։ Հիմա երկրի անունը չտալը ո՞րն է, սա Հարրի Փոթերը չի, որտեղ Վոլդեմորտի անունը չեն տալիս։ Սա է ընդհանուր պատկերը»,-նշեց նա։

Մանրամասները՝ տեսանյութում։