27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Սլովակիայի վարչապետի նկատմամբ հետաքննություն է սկսվել պետական դավաճանության կասկածանքով
Քաղաքականություն
27.03.2026 | 12:45
Սլովակիայի իրավապահ մարմինները հետաքննություն են սկսել վարչապետ Ռոբերտ Ֆիցոյի նկատմամբ՝ պետական դավաճանության կասկածանքով։ Այս մասին սոցիալական ցանցերում հայտարարել է ընդդիմադիր «Ազատություն և համերաշխություն» կուսակցության առաջնորդ Բրանիսլավ Գրյոլինգը, գրում է DW-ի ռուսական ծառայությունը։
Նա պնդում է, որ հետաքննությունը կապված է Ֆիցոյի՝ Ուկրաինային արտակարգ էլեկտրաէներգիայի մատակարարումը դադարեցնելու որոշման հետ։ Գրյոլինգը նշել է, որ մեկ ամիս առաջ ոստիկանություն հաղորդում է ներկայացրել։
Կուսակցությունը երկրի վարչապետին մեղադրում է իշխանության չարաշահման, մարդկության դեմ հանցագործությունների, դավաճանության և «ահաբեկչական գործողություն կատարելու» մեջ։
2026 թվականի փետրվարին Ֆիցոն հայտարարել էր, որ Սլովակիան դադարեցնում է Ուկրաինային էլեկտրաէներգիայի ադտակարգ մատակարարումը, քանի որ Կիևը չի վերականգնել ռուսական նավթի տարանցումը «Դրուժբա» խողովակաշարով։
Հետևելով հունգարացի գործընկեր Վիկտոր Օրբանին՝ Ռոբերտ Ֆիցոն նույնպես Կիևին մեղադրել է նավթի մատակարարումները դիտավորյալ դադարեցնելու մեջ։ ԵՄ վերջին գագաթնաժողովում Ֆիցոն նաև սպառնացել էր, որ կհետևի Հունգարիայի օրինակին և վետո կդնի Ուկրաինային հետագա վարկերի տրամադրման վրա, եթե ռուսական նավթի տարանցման հարցը չլուծվի Սլովակիայի օգտին։
Թարգմանությունը՝ Էմմա Չոբանյանի
