27.07.2026 | 22:14
Բաքվի դատարանը Toplum TV-ի լրագրողներին դատապարտել է 12-15 տարվա ազատազրկման
Երկրի ընդհանուր զարգացման համար հզոր համայնքներն առանցքային նշանակություն ունեն. վարչապետ
Քաղաքականություն
26.03.2026 | 19:34
Վարչապետ Նիկոլ Փաշինյանի գլխավորությամբ քննարկվել են համայնքային ծառայությունների մատուցման արդյունավետության բարձրացմանն ուղղված ֆիսկալ ապակենտրոնացման հետ կապված հարցեր: Այս մասին տեղեկացնում են Կառավարության մամուլի ծառայությունից։
Հանդիպմանը մասնակցել են փոխվարչապետ Տիգրան Խաչատրյանը, Հայաստանի համայնքների միության վարչության նախագահ, Երևանի քաղաքապետ Տիգրան Ավինյանը, վարչության անդամները, Շվեդիայի տեղական իշխանությունների և տարածաշրջանների ասոցիացիաի (SALAR) դուստր կազմակերպության (SALAR international) գործադիր տնօրեն Ռայան Նոքսը, SALAR international դուստր կազմակերպության փորձագետ և ծրագրերի ղեկավար Էլթոն Սթաֆան: Վերջիններս աջակցություն են ցուցաբերում Հայաստանում ապակենտրոնացման բարեփոխման շրջանակում ֆինանսական քաղաքականության մշակման հարցում:
Երևանի քաղաքապետ Տիգրան Ավինյանը նշել է, որ ֆիսկալ ապակենտրոնացման օրակարգը Տեղական ինքնակառավարման եվրոպական խարտիայով ստորագրված պարտավորությունների մաս է և SALAR international կազմակերպության կողմից իրականացվել են վերլուծություններ Հայաստանում ընդհանուր ֆիսկալ ապակենտրոնացման վերաբերյալ և ներկայացնում են որոշակի առաջարկություններ:
SALAR international դուստր կազմակերպության փորձագետ և ծրագրերի ղեկավար Էլթոն Սթաֆան ներկայացրել է համայնքային ծառայությունների մատուցման արդյունավետության բարձրացմանն ուղղված ֆիսկալ ապակենտրոնացման գործիքների մշակմանն ուղղված ճանապարհային քարտեզը։
Նախ` անդրադարձ է կատարվել առկա մարտահրավերներին, գործիքակազմին, տեղական զարգացման խթաններին և այլն: Այնուհետև մանրամասներ են ներկայացվել բարեփոխումների գործընթացի վերաբերյալ, ըստ որի առաջարկվում է աստիճանական ֆիսկալ ապակենտրոնացում, տեղական մակարդակում հանրային ֆինանսների կառավարման համակարգի բարելավում և այլն:
Մտքեր են փոխանակվել տեղական հարկերի և ոլորտային ֆինանսավորման գործիքների համակցված կիրառման, համայնքային արդյունավետ ծառայությունների տրամադրմանն ուղղված քայլերի վերաբերյալ:
Նիկոլ Փաշինյանն ընդգծել է, որ երկրի ընդհանուր զարգացման համար հզոր համայնքներն առանցքային նշանակություն ունեն և նշել, որ վարչատարածքային բարեփոխումները ստեղծել են ուժեղ համայնքներ, իսկ առաջարկվող բարեփոխումները կապահովեն անհրաժեշտ գործիքներ որակյալ ծառայությունների մատուցման համար: Այս առումով, վարչապետը կարևորել է ներկայացված առաջարկություններն ու դրանց իրականացման ուղղությամբ հետագա քայլերը:
