30.09.2026 | 10:28
Ռուսական զորքերը հարվածել են Կիևին ու Կիևի մարզին․ զոհեր կան, այդ թվում՝ երեխա
ԱԺ-ն հանձնաժողովների անդամներ ընտրեց․ ՏԵՍԱՆՅՈՒԹ
Քաղաքականություն
26.03.2026 | 16:40
Մրցութային խորհրդի որոշման հիման վրա Կոռուպցիայի կանխարգելման հանձնաժողովի անդամի թափուր պաշտոնում առաջադրվել է Եփրեմ Կարապետյանի թեկնածությունը։
Ազգային ժողովի 107 պատգամավորներից քվեարկությանը մասնակցել են 85-ը։
Քվեատուփում առկա էր 85 քվեաթերթիկ, որոնցից անվավեր է ճանաչվել 25-ը։ Ձայները բաշխվել են հետևյալ կերպ՝ Եփրեմ Կարապետյան՝ կողմ՝ 59, դեմ՝ 1։
Որոշումն ընդունվել է։
«Հայաստան» և «Պատիվ ունեմ» խմբակցությունները մրցակցության և սպառողների շահերի պաշտպանության հանձնաժողովի անդամի պաշտոնի համար, որպես համաձայնեցված միասնական թեկնածու առաջադրել էին Թադևոս Ավետիսյանի թեկնածությունը։
Ազգային ժողովի 107 պատգամավորներից քվեարկությանը մասնակցել են 85-ը։
Քվեատուփում առկա էր 85 քվեաթերթիկ, անվավեր է ճանաչվել 2-ը։ Ձայները բաշխվել են հետևյալ կերպ՝ Թադևոս Ավետիսյան՝ կողմ՝ 83, դեմ՝ 0։
«Պարոն Ավետիսյան, հաջողություն ենք մաղթում, որոշումն ընդունվել է»,- ընդդիմադիր գործընկերոջը շնորհավորեց ԱԺ փոխնախագահ Հակոբ Արշակյանը։
Մանրամասները՝ տեսանյութում։
