03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Արաղչին շնորհակալություն է հայտնել Հայաստանին ու Իրանի մի քանի այլ հարևանների
Քաղաքականություն
26.03.2026 | 12:27
Իրանի արտաքին գործերի նախարար Սեյեդ Աբբաս Արաղչին երկրի պետական հեռարձակողին (IRIB) տված հարցազրույցում ներկայացրել է Թեհրանի դիրքորոշումը շարունակվող պատերազմի վերաբերյալ՝ հստակ նշելով, որ Միացյալ Նահանգների հետ որևէ բանակցություն չի ընթանում։
Իրանական WANA News Agency-ի հաղորդմամբ՝ չնայած որոշ տարածաշրջանային կառավարությունների հասցեին քննադատությանը՝ Արաղչին շնորհակալություն է հայտնել մի քանի հարևան երկրների՝ մարդասիրական ոլորտներում համագործակցության, այդ թվում՝ Իրանի քաղաքացիներին օգնելու համար։ Նա նշել է Աֆղանստանի, Թուրքմենստանի, Ադրբեջանի, Հայաստանի, Թուրքիայի, Պակիստանի և, որոշ դեպքերում, Սաուդյան Արաբիայի հետ համագործակցությունը։
Նա նաև հիշատակել է օգնության մատակարարումները, ինչպիսիք են դեղորայքը և սնունդը, ընդգծելով, որ Իրանը դրանք ողջունել է ոչ թե անհրաժեշտությունից ելնելով, այլ որպես տարածաշրջանային և միջազգային համերաշխության դրսևորում։
ՀՀ ԱԳ նախարար Արարատ Միրզոյանն ավելի վաղ հայտարարել էր, որ Հայաստանը հումանիտար օգնություն է ուղարկել Իրանի Իսլամական Հանրապետությանը, հիմնականում՝ դեղորայքի տեսքով։
Թարգմանությունը՝ Էմմա Չոբանյանի
